Útreiðar

EYRARPÚKINN - 41

Klárar okkar eru kústsköft sem við ríðum um Eyrina og höfum stundum fleira en eitt skaft til reiðar.

Eru hestarnir léttir á fóðrum og þola frost sem sumarblíðu og hleypum við þeim hratt yfir grundu alveg út að Lónsbrú og þarf að á og gá að lækjum.

Einn vetur með skúrum á kafi í fönn gröfum við helli fyrir sunnan þvottahús Lönguvitleysunnar og hýsum gæðingana.

Þar standa þeir reistir með beisli og mél, bryðja snjó og bíða útreiðartúra.

Jóhann Árelíuz er rithöfundur og skáld.

• Útreiðar er kafli úr Eyrarpúkanum, gáskafullu skáldverki sem gerist á Eyrinni á Akureyri um miðja síðustu öld. Bókin kom út 2003.