Pistlar

Frá Búastöðum í Borgir

Jóhann Árelíuz skrifar 31. maí 2026 | kl. 06:00

EYRARPÚKINN - 90

Það voru erfiðir flutningar yfir ár og fell og mýrar, rigndi líkt og á Jótlandsheiðum og lá nærri að hundarnir hættu að gelta.

Það voru búferlaflutningar foreldra minna frá Búastöðum í Vesturárdal upp í Borgir í Sunnudal og var pabbi allur blár á handleggjunum eftir virkisburð.

Hvað flutturðu á mörgum spyr afi Sigmundur sem var staddur á Borgum.

Tuttugu hestum svaraði pabbi.

Jæja Einar minn sagði Sigmundur, þegar ég flutti úr Jökuldalnum í Hvammsgerði átti ég bara á einn hest.

Pabbi hafði viðað að sér í Viðvík og víðar og skildi Af því áttu fátt að þú nýtir ekki smátt engu síður en tengdafaðirinn.

Pabba dreymdi um vænt fé á grænni beit grösugra lenda inn af Borgum, nú þurfti að húsa upp!

Jóhann Árelíuz er rithöfundur og skáld.

Á sunnudögum um langa hríð birti akureyri.net kafla úr Eyrarpúkanum, gáskafullu skáldverki Jóhanns Árelíuzar sem gerist á Eyrinni á Akureyri um miðja síðustu öld. Bókin kom út 2003. Frá Búastöðum í Borgir er kafli úr bókinni Sveskjur í sólarlaginu, síðari bók Jóhanns um Eyrarpúkann en þar segir einkum frá dvöl drengsins á æskuslóðum föður hans í Vopnafirði. Bókin kom út 2010.

Til baka í yfirlit pistla