Pistlar

Jól á Borgum

Jóhann Árelíuz skrifar 06. september 2026 | kl. 06:00

EYRARPÚKINN - 94

Mamma heldur á þybbnum Þormóði Jóni í fangi sér, Vignir skelmir við öxl hennar en til hliðar Dysta á jólakjól með fléttur eins og Lína langsokkur.

Kertalog, súkkulaðikanna á hvítum dúki, þeyttur rjómi í skál, ástarpungar á fati.

Allir brosandi nema Þormóður litli sem skyggnir stofuna líkur fullu tungli, máski Hraunfellslega hugsi um framtíðarkólgubakka í anda náfrænda síns Ingólfs Jónssonar.

Jóhann Árelíuz er rithöfundur og skáld.

Á sunnudögum um langa hríð birti akureyri.net kafla úr Eyrarpúkanum, gáskafullu skáldverki Jóhanns Árelíuzar sem gerist á Eyrinni á Akureyri um miðja síðustu öld. Bókin kom út 2003. Jól á Borgum er kafli úr bókinni Sveskjur í sólarlaginu, síðari bók Jóhanns um Eyrarpúkann en þar segir einkum frá dvöl drengsins á æskuslóðum föður hans í Vopnafirði. Bókin kom út 2010.

Til baka í yfirlit pistla