Pistlar

Nafnalágin

Jóhann Árelíuz skrifar 15. mars 2026 | kl. 06:00

EYRARPÚKINN - 81

Pabbi nefndi það ekki en mamma bar svuntu að augum og sagði Pabbi þinn fékk aldrei nóg að borða í uppvextinum og fór í verra þegar hann var látinn fara í Þorbrandsstaði kornungur en þaðan strauk pabbi þeim í Hraunfell tólf ára gamall því hann var ekki kjarklaus og saknaði hlýju móður sinnar og bræðraslagsins uppi á Hraunfelli en snéri aftur með semingi og eftirsjá út í Þorbrandsstaði og sló Nafnalágina með Einari afa sínum sem þá var orðinn blindur.

Þegar ég spurði pabba hvað bitarnir hefðu verið stórir sem þeim bræðrum voru skammtaðir á Hraunfelli sýndi hann mér það milli þumals og vísifingurs og virtust mér kjötbitar þeir vera á stærð við tepoka.

Langafi á Þorbrandsstöðum var í fullu fjöri og bað sjáandi að lesa fyrir sig úr Bíbblíunni og feilaði aldrei hjá honum síður né greinar

Flettu upp þarna sagði afi.

Jóhann Árelíuz er rithöfundur og skáld.

Á sunnudögum um langa hríð birti akureyri.net kafla úr Eyrarpúkanum, gáskafullu skáldverki Jóhanns Árelíuzar sem gerist á Eyrinni á Akureyri um miðja síðustu öld. Bókin kom út 2003. Nafnalágin er kafli úr bókinni Sveskjur í sólarlaginu, síðari bók Jóhanns um Eyrarpúkann en þar segir einkum frá dvöl drengsins á æskuslóðum föður hans í Vopnafirði. Bókin kom út 2010.

Til baka í yfirlit pistla

Nafnalágin

Knappareynir

Verk gömlu meistaranna

Birki og beit

Hús dagsins: Hafnarstræti 35

Þegar lífið hægir á manni

Höfðingsskapur á Hofi

Nafnalágin

Tengdar fréttir