Fara í efni
Umræðan

VG: þrjú gefa kost á sér í 1. sæti

VG: þrjú gefa kost á sér í 1. sæti

Þrjú bjóða sig fram í 1. sæti á lista Vinstri hreyfingarinnar – græns framboðs í Norðausturkjördæmi, fyrir Alþingiskosningarnar í haust; Bjarkey Olsen Gunnarsdóttir, alþingismaður, Ólafsfirði, Óli Halldórsson, forstöðumaður, Húsavík og Ingibjörg Þórðardóttir, framhaldsskólakennari, Neskaupstað, sem býður sig reyndar fram í 1. til 2. sæti. 

Alls gefa 12 kost á sér í forvali um fimm efstu sætin. Forvalið verður rafrænt, haldið 13. – 15. febrúar. Á fundi kjörstjórnar með frambjóðendum í gærkvöldi var ákveðið að halda þrjá málefnafundi með þeim sem eru í framboði – og verða þeir fundir opnir öllum sem vilja kynna sér frambjóðendur.

Allir þrír verða fjarfundir á Zoom: laugardag 6. febrúar klukkan 11.00, miðvikudag 10. febrúar klukkan 20.00 og laugardag 13. febrúar klukkan 11.00.

Auk þeirra þriggja sem áður voru nefnd gefa kost á sér í forvalinu:

Angantýr Ásgeirsson, sálfræðinemi, Akureyri.

Ásrún Ýr Gestsdóttir, nemi, Akureyri.

Cecil Haraldsson, fyrrverandi sóknarprestur, Seyðisfirði, 4.-5. sæti.

Einar Gauti Helgason, matreiðslumeistari, Akureyri.

Helga Margrét Jóhannesdóttir, hjúkrunarfræðingur og meistaranemi, Eyjafjarðarsveit.

Jana Salóme Ingibjargar Jósepsdóttir, varabæjarfulltrúi, Akureyri, 3. sæti.

Jódís Skúladóttir, lögfræðingur, verkefnastjóri og sveitarstjórnarfulltrúi, Múlaþingi 2. sæti.

Kári Gautason, framkvæmdastjóri í fæðingarorlofi, Reykjavík, 2. sæti.

Sigríður Hlynur Helguson Snæbjörnsson, bóndi, Þingeyjarsveit.

Þau sem gefa kost á sér, efri röð frá vinstri: Ásrún, Bjarkey, Cecil, Einar Gauti, Helga Margrét og Ingibjörg. Neðri röð frá vinstri: Jana Salóme, Jódís, Kári, Óli, Sigríður Hlynur og Angantýr.

Réttindi neytenda á tímum Covid

Réttindi neytenda á tímum Covid

Brynhildur Pétursdóttir skrifar
13. nóvember 2020 | kl. 13:00
Jónas Hallgrímsson

Jónas Hallgrímsson

Tryggvi Gíslason skrifar
16. nóvember 2020 | kl. 07:15
Jón Sveinsson - Nonni

Jón Sveinsson - Nonni

Haraldur Þór Egilsson skrifar
17. nóvember 2020 | kl. 10:30
Matthías Jochumsson

Matthías Jochumsson

Tryggvi Gíslason skrifar
18. nóvember 2020 | kl. 17:09
Íslenska, nútími og lestur

Íslenska, nútími og lestur

Sverrir Páll skrifar
19. nóvember 2020 | kl. 10:10
Bílastæðaklukkur í miðbæ Akureyrar

Bílastæðaklukkur í miðbæ Akureyrar

Anna Kolbrún Árnadóttir skrifar
20. nóvember 2020 | kl. 10:00