Kosningaþátttaka á Akureyri var 79,33%

Á Akureyri greiddu 11.400 manns atkvæði í alþingiskosningunum, 79,33% þeirra sem rétt höfðu til að kjósa. Á kjörskrá voru 14.378, á kjörstað á laugardag kusu 8.199 en utankjörfundaratkvæði voru 3.201.

Hér má sjá hvernig kjörsóknin var á Akureyri yfir daginn.

Kjör­sókn á landinu í heild var örlítið lakari en í alþing­is­kosn­ing­um 2017. Alls greiddu 201.792 at­kvæði í ár eða 80,1% kosn­inga­bærra manna en 81,2% árið 2017, að því er fram kemur í Morgunblaðinu í dag. „Kjör­sókn var nokkuð jöfn á milli kjör­dæma. Í Norðvest­ur­kjör­dæmi var hún mest, þar kusu 82%. Dræm­ust var hún í Reykja­vík­ur­kjör­dæmun­um tveim­ur og Suður­kjör­dæmi þar sem 79% greiddu at­kvæði. Kjör­sókn­in er ör­lítið betri en árið 2016 þegar 79,2% kosn­inga­bærra manna kusu,“ segir á mbl.is þar sem vísað er í Morgunblaðið. Nánar hér