Kosningar til Alþingis í dag

Alþingiskosningar eru í dag. Akureyrarbæ verður skipt í tólf kjördeildir, tíu á Akureyri, eina í Hrísey og eina í Grímsey.

Hér má sjá lista yfir kjördeildir á Akureyri.

Á Akureyri verður kjörstaður í Verkmenntaskólanum, í Hrísey verður kjörstaður í Hríseyjarskóla og í Grímsey verður kjörstaður í Félagsheimilinu Múla.

Kjörfundur hefst á Akureyri klukkan 9.00 og lýkur klukkan 22.00. Í Hrísey og í Grímsey hefst kjörfundur einnig klukkan 9.00 en lýkur fyrr. Kjósendur þar eru hvattir til að mæta á kjörstað fyrir klukkan 17.00 en opið verður að lágmarki til 17.30, nema allir á kjörskrá hafi kosið fyrir þann tíma.

• Kjósendum ber að sýna persónuskilríki eða önnur kennivottorð á kjörfundi.
• Þá eru kjósendur beðnir um að gæta að smitvörnum, handspritt verður við innganga á kjörstað og öllum kjósendum gert að spritta hendur áður en farið er inn í kjördeildir.
• Veistu ekki hvaða í hvaða kjördeild þú átt að kjósa? Svarið færðu með því að smella hér, slærð síðan inn kennitöluna þína og færð upplýsingar um kjörstað og kjördeild.

Gleðilegan kjördag!