Fara í efni
Umræðan

Hlýnun jarðar – bregðumst við strax!

Skýrsla Loftslagsnefndar Sameinuðu þjóðanna, sem nú hefur verið kynnt, gefur til kynna að hlýnun jarðar fari yfir 1,5 gráður á Celsius fyrr en áætlað var (frá því fyrir iðnbyltingu), hugsanlega strax á næsta áratug þessarar aldar. Skýrslan er afdráttarlaus þegur kemur að tengslum útblásturs á koldíoxíði og hlýnunarinnar.

Grasrót Pírata hefur mótað metnaðarfulla kosningastefnu í þessu samhengi. Með metnaðarfullri aðgerðaáætlun skal stefnt í átt að kolefnishlutleysi sem tryggir sjálfbært samfélag fyrir komandi kynslóðir. Í stefnunni segir að meginábyrgð á samdrætti á losun gróðurhúslofttegunda liggi hjá stjórnvöldum og fyrirtækjum, og að einstaklingar eigi að fá aukið valfrelsi og skýrari upplýsingar til að auðvelda þeim að velja umhverfisvæna kosti, óháð efnahag.

Við þurfum sameiginlegt átak til að búa okkur undir þær gríðarlegu samfélagslegu áskoranir sem eru óhjákvæmilegar til að tryggja réttlát umskipti fyrir öll. Við þurfum að gera stjórnsýsluna öfluga þannig að hún geti átt farsælt samstarf við aðila vinnumarkaðarins um réttlátar og áhrifaríkar aðgerðir. En metnaðarfull aðgerðaáætlun nægir ekki ein og sér. Hún verður að vera tímasett, fjármögnuð til fulls og hana verður að endurskoða reglulega.

Jafnvel þótt skýrslan gefi skýrt til kynna að markmiðið um að stöðva hlýnun jarðar sé innan seilingar, má alls ekki slá slöku við. Núverandi kynslóðir verða að hreinsa upp subbuskap fortíðar og nútíðar fyrir kynslóðir framtíðar. Píratar ætla ekki að láta sitt eftir liggja.

Höfundur er oddviti Pírata í Norðausturkjördæmi við Alþingiskosningarnar 25. september

Hugleiðingar um skólamál á Akureyri og spurningar til Sjálfstæðisflokksins

Inga Huld Sigurðardóttir skrifar
18. september 2025 | kl. 08:30

Hin gáttin

Þórhallur Jónsson skrifar
16. september 2025 | kl. 15:00

Samgöngufélagið Þjóðbraut

Jens Garðar Helgason skrifar
16. september 2025 | kl. 11:20

Stöndum með Háskólanum á Akureyri

Jón Bjarnason skrifar
15. september 2025 | kl. 22:00

Sterkt skólasamfélag á Akureyri, sameiginleg ábyrgð og framtíðarsýn

Heimir Örn Árnason skrifar
13. september 2025 | kl. 12:00

Reynslunni ríkari eftir fjár­hags­leg á­föll síðustu ára

Njáll Trausti Friðbertsson skrifar
09. september 2025 | kl. 08:00