Samþykkt einróma að byggja nýja kirkju

Grímseyingar hafa ákveðið að byggja nýja kirkju í stað Miðgarðakirkju sem brann til grunna í fyrrakvöld.

Í tilkynningu sem Arna Björg Bjarnadóttir, verkefnastjóri Glæðum Grímsey sendi rétt í þessu segir:

„Grímseyingar komu saman í gærkvöldi í félagsheimili eyjarinnar. Þar var samþykkt einróma að byggja nýja kirkju í svipaðri mynd þeirrar sem fyrir var, en brann til grunna aðfaranótt miðvikudags.

Íbúar Grímseyjar vilja koma á framfæri þakklæti til þjóðarinnar sem hefur sýnt þeim einstakan samhug og stuðning á erfiðum tímum.“

Þeim sem vilja styrkja verkefnið er bent á reikning Miðgarðakirkju, 565-04-250731, kt. 4602692539.

Ljósmynd: Gyða Henningsdóttir.