Fara í efni
Umræðan

Slakur sóknarleikur beggja og Valur vann

Ida Hoberg einbeitt á svip sekúndubroti áður en boltinn söng í neti Valsmarksins í dag. Ljósmynd: Þórir Tryggvason

KA/Þór tapaði með þriggja marka mun, 23:20, fyrir toppliði Vals í Olísdeild Íslandsmóts kvenna í handbolta í KA-heimilinu í dag. Munurinn í hálfleik var eitt mark, staðan þá 13:12 fyrir gestina.

Valur komst í 2:0 og var einu til þremur mörkum yfir allan fyrri hálfleikinn. Snemma í þeim seinni komst Valur fjórum mörkum yfir, 17:13, en eftir miðjan hálfleikinn munaði tveimur mörk þar til á lokasekúndunni að Mariam Eradze skoraði með síðasta skoti leiksins.

Sjaldgæft er að bæði lið bjóði upp á jafn slakan sóknarleik og raunin varð í KA-heimilinu í dag. Vörn Vals er vissulega góð en það skýrir ekki nema að hluta til klaufaskapinn í sóknarleik Stelpnanna okkar;  með því að nýta nokkur hraðaupphlaup sem klúðrað var með slæmum sendingum, svo dæmi sé tekið, hefði KA/Þór unnið Val, því toppliðið átti sannarlega ekki sinn besta dag.

Mörk KA/Þórs: Ida Hoberg 7, Anna Þyrí Halldórsdóttir 3, Unnur Ómarsdóttir 3, Nathalia Soares Baliana 2, Lydía Gunnþórsdóttir 2 (1 víti), Hildur Lilja Jónsdóttir 1, Júlía Björnsdóttir 1 og Rut Jónsdóttir 1. 

Varin skot: Matea Lonac 12 (af 35 - 34,3%)

Smellið hér til að sjá alla tölfræði úr leiknum.

Mariam Eradze gerir síðasta mark leiksins fyrir Val á lokasekúndunni. Löngu lent, eins og sjá má, og því hefði ekki átt að telja markið með en það skipti ekki máli; Valssigur var þegar í höfn. Ljósmynd: Skapti Hallgrímsson 

Meirihluti Akureyringa án heimilislæknis

Björn Valur Gíslason skrifar
29. febrúar 2024 | kl. 17:30

Háskólinn á Akureyri

Jón Bjarnason skrifar
20. febrúar 2024 | kl. 20:00

Ákall til bæjarstjórnar Akureyrarbæjar

Olga Ásrún Stefánsdóttir skrifar
16. febrúar 2024 | kl. 12:50

Aukið ofbeldi á Norðurlandi eystra

Kristín Snorradóttir skrifar
15. febrúar 2024 | kl. 12:12

Sum börn fá að lifa. Önnur ekki

Alfa Jóhannsdóttir skrifar
10. febrúar 2024 | kl. 16:50

Af hverju eru deilur um skipulagsmál á Akureyri?

Jón Ingi Cæsarsson skrifar
10. febrúar 2024 | kl. 10:30