Fjölmörg tækifæri fyrir hlé á jólaösinni

Síðasta heila vikan fyrir jól er hlaðin íþróttakappeikjum, heima og að heiman. Sum lið eru nú þegar komin í jólafrí, að minnsta kosti frá keppni, þótt æfingar haldi eflaust áfram hjá flestum fram á næstu helgi. KA á tvo heimaleiki í handboltanum í vikunni, deildarleik í kvöld og bikarleik á föstudag. KA/Þór á heimaleik á fimmtudag. Þá eru á dagskrá útileikir í blaki, íshokkí og körfubolta, auk nokkurra leikja í Kjarnafæðimótinu í knattspyrnu. 

Það er semsagt af nógu að taka og fullt af tækifærum fyrir íþróttaáhugafólk að líta upp úr jólaundirbúningnum og færa stressið yfir í að styðja sitt lið – eða bara mæta til að slaka á og fylgjast með skemmtilegum íþróttaleikjum.

MÁNUDAGUR 15. DESEMBER - handbolti

Karlalið KA í handboltanum tapaði heimaleik í liðinni viku eftir góða hrinu á heimavelli, en fær tækifæri til að bæta það upp strax í kvöld í lokaumferð Olísdeildarinnar fyrir jól, og raunar síðasta deildarleik liðsins í rúmlega sjö vikur þar sem hlé verður gert á keppni í Olísdeildinni vegna Evrópumótsins.

• Olísdeild karla í handknattleik
  KA-heimilið kl. 19
  KA - HK

KA vann fyrri viðureign þessara liða í deildinni í haust, 31-27, í Kórnum. HK vann Stjörnuna í síðustu umferð með eins marks mun, en KA tapaði með sex mörkum fyrir Aftureldingu.

ÞRIÐJUDAGUR 16. DESEMBER - íshokkí

Karlalið SA í íshokkí vann lið Skautafélags Reykjavíkur í framlengingu á Akureyri á laugardag. Reykvíkingar fá tækifæri til að bæta fyrir það því liðin mætast í Skautahöllinni í Reykjavík á þriðjudagskvöld. 

• Toppdeild karla í íshokkí
  Skautahöllin í Laugardal kl. 19:45
  SR - SA

Aðeins munar einu stigi á liðunum þegar bæði hafa leikið sjö leiki í A-hluta Toppdeildarinnar. Lið SA er með 14 stig, en SR með 13. Sigurliðið í leiknum á þriðjudagskvöld verður því á toppnum um jólin.

MIÐVIKUDAGUR 17. DESEMBER - körfubolti, blak, fótbolti

Síðasti leikur kvennaliðs Þórs í körfuknattleik á árinu verður í Stykkishólmi á miðvikudag. Þór og Snæfell hafa bæði spilað átta leiki til þessa í deildinni. Þórsliðið er enn ósgirað á toppi deildarinnar, en Snæfell hefur unnið fjóra leiki og er í 6. sæti deildarinnar. Þetta er lokaleikur liðanna í fyrri umferð deildarinnar.

• 1. deild kvenna í körfuknattleik
  Íþróttahúsið í Stykkishólmi kl. 18:00
  Snæfell - Þór

Bæði þessi lið spiluðu í 16 liða úrslitum VÍS-bikarkeppninnar á sunnudag. Þór tapaði fyrir Tindastóli á Sauðárkróki á meðan Snæfell tapaði fyrir KR í Vesturbænum.

- - -

Síðasti blakleikur KA í Unbroken-deild karla verður á miðvikudag þegar þeir sækja Völsung heim til Húsavíkur. KA er sem stendur í 4. sæti deildarinnar með 25 stig eftir 11 leiki. Húsvíkingar eru í 7. sæti með sjö stig úr 12 leikjum.

• Unbroken-deild karla í blaki
  PCC-höllin á Húsavík kl. 19:30
  Völsungur - KA

Þessi lið hafa mæst einu sinni í vetur og vann KA 3-0 á heimavelli.

- - -

Kjarnafæðimótið í knattspyrnu er á fullu þessar tvær síðustu vikur fyrir jól og nokkrir leikir á dagskrá þegar líður á vikuna, ýmist í Boganum eða á Greifavellinum. 

• Kjarnafæðimótið í knattspyrnu, B-deild karla
  Greifavöllur kl. 20
  Hamrarnir - KA4

FIMMTUDAGUR 18. DESEMBER - handbolti

Eftir langt EM-hlé fór keppni í Olísdeild kvenna í handknattleik af stað um liðna helgi og er önnur umferð á dagskrá í vikunni. KA/Þór fékk skell á útivelli gegn Haukum í 10. umferðinni, en á fimmtudag er komið að heimaleik. Mótherjarnir eru topplið Vals.

• Olísdeild kvenna í handknattleik
  KA-heimilið kl. 19
  KA/Þór - Valur

Leikir vikunnar eru í 6. umferð mótsins og hafa KA/Þór og Valur því ekki mæst það sem af er leiktíðinni. Valur vann Stjörnuna með tíu marka mun, 32-22, í síðasta leik, en KA/Þór tapaði með 15 marka mun á útivelli fyrir Haukum, 35-20.

FÖSTUDAGUR 19. DESEMBER - handbolti, fótbolti

Átta liða úrslit í bikarkeppni karla í handknattlei, Powerade-bikarnum, fara fram á föstudagskvöld. KA fær Íslandsmeistara Fram í heimsókn norður. Liðin hafa mæst einu sinni í deildinni í vetur og hafði KA betur á heimavelli Fram, vann 32-28.

• Powerade-bikar karla í handknattleik
  KA-heimilið kl. 18:00
  KA - Fram

Aðrir leikir átta liða úrslitanna eru viðureignir HK og Hauka, Fjölnis og ÍR og svo Aftureldingar og FH. Sigurliðin í þessum leikjum tryggja sér sæti í undanúrslitum, bikarhelginni 26.-28. febrúar. 

- - -

Tveir leikir eru á dagskrá í Kjarnafæðimótinu í knattspyrnu á föstudag, en óvíst með innbyrðis leik Þór/KA-liðanna sem settur er á kl. 19 á föstudag. Tímasetning seinni leiksins gæti því breyst.

• Kjarnafæðimótið í knattspyrnu, kvennadeild
  Boginn kl. 19
  Þór/KA - Þór/KA2

- - -

• Kjarnafæðimótið í knattspyrnu, B-deild karla
  Boginn kl. 21
  KF - KA3

LAUGARDAGUR 20. DESEMBER - fótbolti

Þrír leikir eru á dagskrá í A-deild karla í Kjarnafæðimótinu á laugardag, allir í Boganum. Flautað til leiks kl. 15, 17 og 19.

• Kjarnafæðimótið í knattspyrnu, A-deild karla 
  Boginn kl. 15
  Þór2 - KA

- - -

• Kjarnafæðimótið í knattspyrnu, A-deild karla 
  Boginn kl. 17
  KFA - Magni

- - -

• Kjarnafæðimótið í knattspyrnu, A-deild karla
  Boginn kl. 19
  Dalvík - Völsungur

SUNNUDAGUR 21. DESEMBER - fótbolti

Síðustu leikir í Kjarnafæðimótinu fyrir jól eru á dagskrá á sunnudag, en eins og með aðra leiki í mótinu eru dagsetningar og tímasetningar birtar með fyrirvara um breytingar á leiktímum.

• Kjarnafæðimótið í knattspyrnu, B-deild karla
  Boginn kl. 15
  Þór3 - Höttur

- - -

• Kjarnafæðimótið í knattspyrnu, kvennadeild
  Boginn kl. 17
  Dalvík - Tindastóll

- - -
Fyrstu leikir í hverri grein á nýju ári:

• Íshokkí kvenna: SA - Fjölnir – 3. og 4. janúar
• Blak karla: KA - Þróttur – 4. janúar
• Körfubolti karla: Sindri - Þór – 4. janúar
• Körfubolti kvenna: Stjarnan-b - Þór – 7. janúar
• Íshokkí karla: SA - Fjölnir – 9. janúar (ofurhelgi)
• Handbolti kvenna: KA/Þór - ÍR – 10. janúar
• Blak kvenna: KA - Völsungur – 21. janúar
• Handbolti karla: ÍR - KA – 4. febrúar
• Handbolti karla: Stjarnan - Þór – 5. febrúar

- - -