Semja við Verklausnir vegna smáíbúða

Umhverfis- og mannvirkjaráð Akureyrarbæjar hefur samþykkt niðurstöðu dómnefndar varðandi útboð á smáíbúðum fyrir Akureyrarbæ. Niðurstaðan er að gengið verði til samninga við Verklausn ehf. um byggingu smáhúsanna. Nú þegar hefur verið samþykkt skipulagsbreyting vegna byggingar þessara húsa á reit við Grænhól, vestan Síðubrautar, þar sem afmörkuð er lóð fyrir allt að fimm hús. Í undirbúningi er að koma fyrir slíkum húsum á fleiri stöðum í bænum, við Baldursnes, sunnan við Hlíðarfjallsveg skammt ofan við Glerárbrúna og á svæðinu milli Kjarnagötu. og Naustaborga. 

Í útboðinu kom fram að um væri að ræða átta færanlegar íbúðir í einbýli, um 35 fermetrar að stærð. Þá var einnig óskað eftir verði í eitt einstaklingsherbergi (anddyri, svefnaðstaða og snyrting), um 15 fermetrar að stærð. Íbúðirnar og herbergið eru ætluð fyrir einstaklinga sem eiga í fjölbreyttum vanda og var farið fram á að hort yrði sérstaklega til þeirra þátta við hönnun húsanna. 

Tilboðsfrestur rann út 11. ágúst og niðurstaðan að ganga til samninga við Verk lausn ehf. eins og áður sagði. Nánari upplýsingar um húsin sjálf, hönnun þeirra, byggingarefni og fleira má finna hér.