Fara í efni
Umræðan

Segja ónæði og hávaða af leigubílastæðunum

Strandgata 3 til hægri. Svefnherbergisgluggar snúa beint út að leigubílastæðunum við Túngötu. Mynd: Skapti Hallgrímsson.

Íbúar í Strandgötu 3 hafa óskað eftir því við skipulagsráð að staðsetning leigubílastæða í Túngötu verði endurskoðuð. Í bréfi þar sem formaður húsfélagsins, Laufey Vilhjálmsdóttir Hjörvar, ber fram þessa ósk við skipulagsráð segir hún að síðan leigubílastæðin voru flutt í Túngötuna, til reynslu, hafi íbúar orðið fyrir verulegu ónæði, sérstaklega á kvöldin, um helgar og á nóttunni.

Á meðal þeirra athugasemda sem íbúarnir gera eru að þessu fylgi hávaði, öskur og læti frá fólki sem bíður eftir leigubílum, slagsmál, sóðaskapur og fólk sem kastar af sér þvagi utan í húsið. Leigubílar standi í gangi, leigubílstjórar standi gjarnan við bílana og spjalli á meðan þeir bíða eftir farþegum. Svefnherbergi í íbúðum snúa út að Túngötunni og ekki sé hægt að sofa við opinn glugga. Fólk vakni ítrekað við hávaða frá biðstæðunum.

Meirihluti skipulagsráðs fól skipulagsfulltrúa að hefja að nýju skoðun á framtíðarstaðsetningu leigubílastæða í miðbænum og ákvað að framlengja leyfið fyrir núverandi stæði til 1. desember. Þórhallur Jónsson A-lista greiddi atkvæði gegn þessari ákvörðun.

Tenerife í stað Kaupmannahafnar – eru áherslurnar réttar?

Þórhallur Jónsson skrifar
10. nóvember 2026 | kl. 15:45

Icelandair ætti að horfa norður

Birgir Orri Ásgrímsson skrifar
09. nóvember 2026 | kl. 19:30

Mikilvæg skref í átt að samþættingu þjónustu við eldri borgara

Guðbjörg Anna Björnsdóttir skrifar
05. nóvember 2026 | kl. 12:30

Framtíð, atvinna og velferð í verki

Berglind Ósk Guðmundsdóttir skrifar
05. nóvember 2026 | kl. 11:00

Nokkrar spurningar til Samfylkingarinnar

Gunnar M. Gunnarsson skrifar
03. nóvember 2026 | kl. 15:50

Áframhaldandi skilningsleysi nýliða

Kristín Helga Schiöth skrifar
03. nóvember 2026 | kl. 14:20