Fara í efni
Pistlar

Þjóðin hafnar öfgum - vill stöðugleika

Þjóðin hafnar öfgum - vill stöðugleika

Ingibjörg Ólöf Isaksen er nýliði á Alþingi en verður fyrsti þingmaður Norðausturkjördæmis, eftir stórsigur Framsóknarflokksins í kosningunum í gær. Kona hefur ekki verið kjörin fyrsti þingmaður kjördæmisins síðan 2003, þegar Valgerður Sverrisdóttir fór fyrir lista Framsóknar sem fékk flest atkvæði allra.

„Markmið okkar var þetta; að fá fyrsta mann kjördæmisins og ná þremur mönnum inn á þing. Það er greinilega góður hljómgrunnur fyrir því sem Framsóknarflokkurinn hefur fram að færa, ekki bara í Norðausturkjördæmi heldur landinu öllu. Við erum í stórsókn og eigum mikið erindi,“ sagði Ingibjörg Ólöf við Akureyri.net í dag.

Ráðherra úr kjördæminu?

Spurð um skýringar á miklum árangri Framsóknarflokksins í kosningunum, svarar Ingibjörg: „Ég held að þjóðin sé að hafna öfgum. Hún vill stöðugleika.“

Ingibjörg kveðst ólýsanlega þakklát fyrir stuðninginn. Að verkefni eins og þessu komi margir og grasrót flokksins hafi unnið frábært starf í marga mánuði.

„Framsóknarmenn fundu mikinn meðbyr í kjördæminu í aðdraganda kosninganna, og skoðanakannanir lofuðu góðu. Við óttuðumst jafnvel að þetta væri of gott til að vera satt,“ segir Ingibjörg en svo reyndist alls ekki vera. „Þetta er stórsigur. Aukning á fylgi í kjördæminu er hátt í 80%, við förum úr 14,3 í 25,6%!“

Eftir afgerandi sigur flokksins í kjördæminu liggur beint við að spyrja Ingibjörgu hvort hún muni fara fram á ráðherraembætti, verði Framsóknarflokkurinn áfram í ríkisstjórn.

„Mér finnst það eðlileg krafa,“ segir hún og bætir við að sér sé ljóst að fólk í kjördæminu sé almennt á þeirri skoðun, ekki bara Framsóknarmenn, að í hverri einustu ríkisstjórn eigi að vera ráðherra úr Norðausturkjördæmi. Hún hafi fundið fyrir því í kosningabaráttunni.

Auk Ingibjargar voru Líneik Anna Sævarsdóttir og Þórarinn Ingi Pétursson kjörin á Alþingi af lista Framsóknarflokksins í kjördæminu.

Seigla er orð ársins

Seigla er orð ársins

Hildur Eir Bolladóttir skrifar
13. nóvember 2020 | kl. 11:50
Að nota fjölmiðla eða vera notaður af þeim?

Að nota fjölmiðla eða vera notaður af þeim?

Sigurður Kristinsson skrifar
13. nóvember 2020 | kl. 12:00
Að þegja er eiginleiki sem hvarf

Að þegja er eiginleiki sem hvarf

Jón Óðinn Waage skrifar
08. desember 2020 | kl. 07:00
Framtakssemin og einkaframtakið

Framtakssemin og einkaframtakið

Jóna Jónsdóttir skrifar
18. nóvember 2020 | kl. 08:00
Akureyringar tala dönsku á sunnudögum

Akureyringar tala dönsku á sunnudögum

Tryggvi Gíslason skrifar
15. nóvember 2020 | kl. 10:00
Sú mikla kúnst að æsa fólk upp

Sú mikla kúnst að æsa fólk upp

Jón Óðinn Waage skrifar
18. nóvember 2020 | kl. 08:00