Fara í efni
Pistlar

Mikil vonbrigði með ráðherraskipan

Framsóknargleði á kosninganótt! Jóhannes Geir Sigurgeirsson, fyrrverandi alþingismaður, Ingibjörg Ól…
Framsóknargleði á kosninganótt! Jóhannes Geir Sigurgeirsson, fyrrverandi alþingismaður, Ingibjörg Ólöf Isaksen, fyrsti þingmaður kjördæmisins, og Guðmundur Baldvin Guðmundsson, oddviti flokksins í bæjarstjórn Akureyrar. Ljósmynd: Skapti Hallgrímsson.

Framsóknarmenn á Akureyri og nágrenni eru ánægðir með stjórnarsáttmála ríkisstjórnar Katrínar Jakobsdóttur, sem kynntur var í gær. Þeir segja hins vegar hlut landsbyggðarinnar við ríkisstjórnarborðið talsvert umhugsunarefni og lýsa miklum vonbrigðum með að góður árangur flokksins í Norðausturkjördæmi endurspeglist ekki í ráðherraskipan.

Stjórn og varastjórn Framsóknarfélags Akureyrarog nágrennis hefur samþykkt eftirfarandi ályktun:

„Stjórnarsáttmálinn sem kynntur var um nýafstaðna helgi er framsækinn og endurspeglar vel meginstefið í öllum baráttumálum Framsóknar – fjárfesting í fólki. Sú bjartsýni sem í honum ríkir grundvallast á mannauði þessa lands og þeim náttúrugæðum sem gildi hafa fyrir okkur og heimsbyggðina. Tækifærin liggja um allt land til grænnar atvinnuuppbyggingar, skapandi landnýtingar, aukinnar verðmætasköpunar og sjálfbærrar orkunýtingar. Með kröftugri og réttlátri byggðastefnu eigum við svo sannarlega að geta tryggt hagsmuni núverandi sem komandi kynslóða.

Í þessu samhengi er hlutur landsbyggðarinnar við ríkisstjórnarborðið okkur talsvert umhugsunarefni. Enginn ráðherra kemur úr Norðausturkjördæmi, einungis tveir ráðherrar koma úr landsbyggðakjördæmunum þremur og í raun má segja að allir 12 ráðherrar nýrrar ríkisstjórnar komi frá áhrifasvæði höfuðborgarinnar. Þessi skipting er varhugaverð og til þess fallin að ýta undir það ójafnvægi sem glöggt má þegar greina milli höfuðborgar og landsbyggðar.

Með samhentu átaki og mikilli vinnu náði Framsókn frábærum árangri hér í Norðausturkjördæmi í síðustu kosningum, þar sem flokkurinn hlaut þrjá kjördæmakjörna þingmenn og oddviti okkar Ingibjörg Ísaksen hlaut glæsilega kosningu sem fyrsti þingmaður kjördæmisins. Það eru því mikil vonbrigði að sá góði árangur endurspeglist ekki í ráðherraskipan flokksins.

Þingmenn Framsóknarflokksins í Norðausturkjördæmi búa að mikilli og fjölbreyttri reynslu og við treystum þeim og styðjum heilshugar til góðra verka fyrir kjördæmið sem og málefni landsbyggðarinnar í heild sinni.

Við óskum nýrri ríkisstjórn velgengni í sínum störfum en um leið viljum við ítreka mikilvægi þess að málefnum landsbyggðarinnar sé haldið á lofti innan hennar.

Stjórn og varastjórn Framsóknarfélags Akureyrar og nágrennis."

Seigla er orð ársins

Hildur Eir Bolladóttir skrifar
13. nóvember 2020 | kl. 11:50

Að nota fjölmiðla eða vera notaður af þeim?

Sigurður Kristinsson skrifar
13. nóvember 2020 | kl. 12:00

Að þegja er eiginleiki sem hvarf

Jón Óðinn Waage skrifar
08. desember 2020 | kl. 07:00

Framtakssemin og einkaframtakið

Jóna Jónsdóttir skrifar
18. nóvember 2020 | kl. 08:00

Akureyringar tala dönsku á sunnudögum

Tryggvi Gíslason skrifar
15. nóvember 2020 | kl. 10:00

Sú mikla kúnst að æsa fólk upp

Jón Óðinn Waage skrifar
18. nóvember 2020 | kl. 08:00