Fara í efni
Pistlar

Lundinn stundvís – er sestur upp í Grímsey

Lundar í Grímsey. Mynd af vef Akureyrarbæjar: María H. Tryggvadóttir

Sjóamenn hafa séð til lundans í nágrenni Grímseyjar síðustu vikuna eða svo en í gær settist hann upp á varpstöðvar á eyjunni. Greint er frá þessu á vef Akureyrarbæjar í dag.

„Lundinn er mjög stundvís en hann sest nánast allaf upp á eyjuna í kringum 10. apríl ár hvert,“ segir í fréttinni.

„Fuglinn byrjar á því að finna holuna sína, tekur til við að fjarlægja rusl og laga hana eftir þörfum. Hann notar þá gogginn til að grafa og fæturna til að moka. Talið er að það sé karlfuglinn sem mæti fyrst og sjái um tiltektina og að kvenfuglinn komi u.þ.b. viku síðar.“

Svafar Gylfason, sjómaður í Grímsey, fylgist vel með fuglalífinu í eyjunni og hefur skráð komu fuglanna árlega. Haft er eftir honum að talsvert minna sé um svartfugl í eyjunni samanborið við fyrri ár og telur Svafar það mögulega orsakast af því að algjör loðnubrestur hefur orðið við eyjuna í ár. Hann vonar þó að fuglarnir séu ennþá út á sjó og eigi eftir að skila sér heim.

„Eyjabúar eru orðnir langeygir eftir vorinu en frá því um páska hefur tíð verið rysjótt og búið að vera frekar vindasamt. Það er því ávallt mikið gleðiefni að sjá fuglana á ný. Fyrir utan sjófuglana þá er tjaldurinn mættur norður við heimskautsbaug og fyrstu kiðlingarnir bornir og fer að styttast í lömbin.“

Fræg ýviðartré

Sigurður Arnarson skrifar
29. maí 2024 | kl. 09:00

Slides

Sigmundur Ernir Rúnarsson skrifar
27. maí 2024 | kl. 11:30

Erum við að verða náttúrulaus?

Rakel Hinriksdóttir skrifar
24. maí 2024 | kl. 17:00

Hús dagsins: Hafnarstræti 57; Samkomuhúsið

Arnór Bliki Hallmundsson skrifar
23. maí 2024 | kl. 06:00

Oddeyrargötuöspin og hæðarmælingar trjáa

Sigurður Arnarson og Bergsveinn Þórsson skrifa
22. maí 2024 | kl. 19:00

Fimmtudagskvöld

Sigmundur Ernir Rúnarsson skrifar
20. maí 2024 | kl. 11:30