Fara í efni
Umræðan

Þórarinn Ingi sækist eftir 2. sæti hjá Framsókn

Þórarinn Ingi sækist eftir 2. sæti hjá Framsókn
Þórarinn Ingi Pétursson, bóndi á Grund í Grýtubakkahreppi, sækist eftir öðru sæti á lista Framsóknarflokksins í Norðausturkjördæmi fyrir Alþingiskosningarnar í haust. Hann tilkynnti þetta á Facebook síðu sinni í morgun. Þórarinn hefur annað veifið verið á þingi sem varaþingmaður undanfarin ár og situr þar einmitt nú, þar sem Þórunn Egilsdóttir er í veikindaleyfi. 
 
„Ég hef notið þeirra gæða og hlotið þá reynslu að sitja á Alþingi undanfarin misseri. Það er dýrmæt reynsla og tækifæri til að koma áherslumálum samvinnu og félagshyggju á framfæri. Saman förum við áfram veginn,“ segir hann.
 
„Málefni bænda eru mér hugleikin en ég sat í fimm ár sem formaður sauðfjárbænda og hef tekið virkan þátt í félagsmálum bænda. Starfsumgjörð landbúnaðarins er mér hugleikin og framtíðar horfur íslensks landbúnaðar. Í landbúnaði felast ótal tækifæri til eflingar og nýsköpunar. Hagur hinna ólíku landsbyggða eru nátengd dreifðum byggðum og því þarf að efla og styrkja byggð á hverjum stað með áherslu á nýtingu þess sem landið og hafið gefur með sjálfbærum hætti. Nám óháð búsetu, samgöngur og trygg fjarskipti treysta byggðirnar. Það er forsenda byggðar að unga fólkið sjái tækifærin hvar sem þau eru. Viðspyrna samfélagsins felst í að nýta þau tækifæri sem landið hefur upp á bjóða með skynsömum hætti,“ segir Þórarinn Ingi.
 
Tvær konur gefa kost á sér í fyrsta sæti listans eins og komið hefur fram á Akureyri.net, Líneik Anna Sævarsdóttir, alþingismaður og Ingibjörg Ólöf Isaksen, bæjarfulltrúi á Akureyri.

 

Réttindi neytenda á tímum Covid

Réttindi neytenda á tímum Covid

Brynhildur Pétursdóttir skrifar
13. nóvember 2020 | kl. 13:00
Jónas Hallgrímsson

Jónas Hallgrímsson

Tryggvi Gíslason skrifar
16. nóvember 2020 | kl. 07:15
Jón Sveinsson - Nonni

Jón Sveinsson - Nonni

Haraldur Þór Egilsson skrifar
17. nóvember 2020 | kl. 10:30
Matthías Jochumsson

Matthías Jochumsson

Tryggvi Gíslason skrifar
18. nóvember 2020 | kl. 17:09
Íslenska, nútími og lestur

Íslenska, nútími og lestur

Sverrir Páll skrifar
19. nóvember 2020 | kl. 10:10
Bílastæðaklukkur í miðbæ Akureyrar

Bílastæðaklukkur í miðbæ Akureyrar

Anna Kolbrún Árnadóttir skrifar
20. nóvember 2020 | kl. 10:00