Fara í efni
Umræðan

Ísland í 23. sæti á HM stúlknalandsliða

Lið Íslands á HM stúlknalandsliða í golfi: Lilja Maren Jónsdóttir (GA), Bryndís Eva Ágústsdóttir (GA) og Embla Hrönn Hallsdóttir úr GKG. Mynd: GSÍ.

Heimsmeistaramóti stúlknalandsliða í golfi lauk í Ontario í Kanada í gær. Þær Bryndís Eva Ágústsdóttir og Lilja Maren Jónsdóttir úr Golfklúbbi Akureyrar (GA) tóku þátt í mótinu fyrir Íslands hönd, ásamt  Emblu Hrönn Hallsdóttur úr GKG. Íslenska liðið endaði í 23. sæti en þetta var í fjórða árið í röð sem íslenskt lið tekur þátt í mótinu. Tvö bestu skor liðsmanna töldu á hverjum keppnishring og lauk íslenska liðið keppni á 48 höggum yfir pari. Lið Bandaríkjanna varð heimsmeistari en bandaríska liðið lék á samtals 15 höggum undir pari.

  • Embla Hrönn átti lægsta heildarskorið af liðsmönnum íslensku sveitarinnar. Hún varð í 56. sæti á 25 höggum yfir pari. Embla lék hringina fjóra á 78, 74, 79 og 78 höggum.
  • Lilja Maren átti sérstaklega góðan þriðja hring. Hún lék þá á 71 höggi, eða pari vallarins, sem var besta skor íslensku keppendanna á mótinu. Hún lauk keppni í 57. sæti í einstaklingskeppninni, á 28 höggum yfir pari. Hún lék hringina fjóra á 79, 78, 71 og 84 höggum.
  • Bryndís Eva hafnaði í 63. sæti einstaklingskeppninnar, á 31 höggi yfir pari. Hún lék hringina fjóra á 79, 76, 78 og 82 höggum.

Þetta var annað árið í röð sem Bryndís Eva tekur þátt í heimsmeistaramótinu. Fyrir Lilju Maren var þetta hins vegar frumraun á þessum vettvangi, líkt og hjá Emblu Hrönn.

Ingvexit?: Þegar þingmenn gleyma kjósendum sínum

Axel Björnsson skrifar
18. nóvember 2026 | kl. 11:45

Við eigum að vera við stýrið!

Svava Björk Ólafsdóttir skrifar
18. nóvember 2026 | kl. 11:15

Erum við ekki í sama liði?

Þorleifur Ananíasson skrifar
16. nóvember 2026 | kl. 06:00

Tíu milljarða halli

Njáll Trausti Friðbertsson skrifar
15. nóvember 2026 | kl. 11:45

Tenerife í stað Kaupmannahafnar – eru áherslurnar réttar?

Þórhallur Jónsson skrifar
10. nóvember 2026 | kl. 15:45

Icelandair ætti að horfa norður

Birgir Orri Ásgrímsson skrifar
09. nóvember 2026 | kl. 19:30