Umræðan

Háskóladagurinn á Akureyri á morgun

Skapti Hallgrímsson skrifar 07. mars 2024 | kl. 12:00

Frá Háskóladeeginum í Reykjavík um síðustu helgi þar sem forseti Íslands, Guðni Th. Jóhannesson, og Áslaug Arna Sigurbjörnsdóttir, ráðherra háskólamála, voru á meðal gesta. Eyjólfur Guðmundsson, rektor Háskólans á Akureyri, er annar frá hægri. Ljósmynd: Eygló Gísladóttir

Háskóladagurinn verður haldinn á Akureyri á morgun, föstudaginn 8. mars, frá klukkan 11.00 til 13.00, í Háskólanum á Akureyri.

Allir sjö háskólar landsins kynna þar námsframboð sitt en hátt í 400 námsleiðir eru í boði í grunn-, og framhaldsnámi. Dagurinn hefur verið haldinn í 40 ár og vex ár frá ári. Nýnæmi er að í ár er hann á fjórum stöðum, í Reykjavík, á Egilsstöðum, Akureyri og Ísafirði.

„Það má líkja Háskóladeginum við leikvöll tækifæranna þar sem öll ættu að geta fundið nám við sitt hæfi. Námsframboð háskólanna sjö er enda gríðarlega fjölbreytt og spennandi,“ segir Erla Hjördís Gunnarsdóttir, sem er nýr verkefnastjóri Háskóladagsins. „Það getur því verið vandi að velja en starfsfólk skólanna og nemendur verða á staðnum ásamt námsráðgjöfum til að styðja við námsvalið,“ segir Erla.

Til baka í umræðuna