Grettistaki var lyft með byggingu stöðvarinnar

Helgi Jóhannesson, forstjóri Norðurorku, svarar í grein sem birtist á Akureyri.net í kvöld, fyrirspurn Ólafs Kjartanssonar sem hann setti fram í grein í gær. Ólafur spurði þar um eitt og annað varðandi hreinsistöð fráveitu í Sandgerðisbót.

Helgi segir fyrirtækið hafa verið í samskiptum við Ólaf vegna hreinsistöðvarinnar, honum hafi verið boðið í heimsókn til að kynna sér málið og lesa gögn frá verkfræðistofunni Eflu varðandi hönnunarforsendur. „Ólafur kom reyndar ekki og hefur frekar valið að spyrja opinberlega í aðdraganda kosninga, mögulega til að gera stjórn tortryggilega á þeim tímamótum. Á sama hátt lætur Ólafur að því liggja að hann hafi ekki fengið svör við fyrirspurnum sínum,“ skrifar Helgi. „Við hjá Norðurorku erum stolt af hreinsistöðinni og rekstri hennar. Norðurorka lyfti með byggingu hennar „Grettistaki“ í umhverfismálum Eyfirðinga.“

Smellið hér til að lesa grein Helga Jóhannessonar

Smellið hér til að lesa grein Ólafs Kjartanssonar