Umræðan

Hilda Jana hættir í bæjarstjórn í vor

Valur Sæmundsson skrifar 18. nóvember 2025 | kl. 13:30

Hilda Jana Gísladóttir, bæjarfulltrúi Samfylkingarinnar, ætlar ekki að gefa kost á sér í áframhaldandi leiðtogahlutverk innan flokksins þegar yfirstandandi kjörtímabili lýkur í vor. Þetta segir hún í svari við fyrirspurn akureyri.net.

Hilda Jana hefur leitt framboðslista Samfylkingarinnar í tvennum síðustu kosningum og hefur því setið átta ár í bæjarstjórn þegar kjörtímabilinu lýkur. Hún hyggst einbeita sér að starfi sínu sem samskiptastjóri Sjúkrahússins á Akureyri.

Svar Hildu Jönu í heild:

Ég mun ekki gefa kost á mér til að leiða lista Samfylkingarinnar í sveitarstjórnarkosningum í maí árið 2026. Ég hef tekið við starfi samskiptastjóra Sjúkrahússins á Akureyri, sem er ákaflega gefandi og krefjandi starf, sem ég hef áhuga á að helga mig alfarið í lok þessa kjörtímabils.

Kosið verður til sveitarstjórna 16. maí í vor.

Til baka í umræðuna