Dregið um Skarðshlíð 20, tveir buðu 121 milljón

Tvö hæstu tilboð í byggingarrétt lóðarinnar Skarðshlíðar 20 voru jafnhá, 121 milljón króna, og hefur verið ákveðið að dregið verði um hvort fyrirtækið fær byggingarréttinn.

Það voru Byggingarfélagið Hyrna ehf. og Goðanes ehf, sem er að fullu í eigi SS Byggis, sem buðu hæst. Akureyrarbær auglýsti lóðina fyrr á árinu og þá var ákveðið að lágmarksboð yrði 60 milljónir króna. Alls bárust fimm tilboð; Laugará ehf. bauð 106 milljónir króna, Trétak ehf. 79,6 milljónir og SS Byggir ehf. 72 milljónir.

Á sínum tíma var gert ráð fyrir fjölbýlishúsi á lóðinni þar sem heilsugæslustöð yrði á jarðhæð. Síðar var ákveðið að heilsugæslustöðin norðan Glerár yrði í verslunarmiðstöðinni Sunnuhlíð.