Pistlar

„Séra Svavar“ út í Grímsey fyrir RÚV

Skapti Hallgrímsson skrifar 23. september 2021 | kl. 14:48

Séra Svavar Alfreð Jónsson og Óðinn Svan Óðinsson, fréttamaður RÚV. Klerkurinn er til vinstri.

Óðinn Svan Óðinsson, fréttamaður Ríkisútvarpsins á Akureyri, sér hlutina gjarnan í skemmtilegu ljósi.

Á Facebok síðu sinni sagði hann í morgun í stuttu máli frá vinnuferð út í Grímsey í gær.

„Í gær fór ég með ferju til Grímseyjar til þess að fjalla um hörmulegan eldsvoða í plássinu.

Ég er mikill landkrabbi og ældi því eins og múkki alla sjóferðina, sem tekur ekki nema rúma þrjá tíma.

Það var þó ekki það versta við ferðina, því um borð var hinn geðþekki Steingrímur J Sigfússon. Samtalið hófst á eftirfarandi orðaskiptum:

Steingrímur: „Á hvaða ferðalagi eruð þið?“

Ég: „Við erum að fara að skoða kirkjuna sem brann í nótt.“

Steingrímur: „Já þú ert presturinn, séra Svavar. Ég sé það núna.“

Svavar vinur minn er vissulega mjög glæsilegur maður en hann er ekki nema 29 árum eldri en ég,“ segir Óðinn Svan í færslunni – og bætti við broskarli!

Meðfylgjandi myndir af þeim Svavari birti Óðinn Svan á Facebook í morgun.

Til baka í yfirlit pistla

„Séra Svavar“ út í Grímsey fyrir RÚV

Seigla er orð ársins

Að nota fjölmiðla eða vera notaður af þeim?

Að þegja er eiginleiki sem hvarf

Framtakssemin og einkaframtakið

Akureyringar tala dönsku á sunnudögum

Sú mikla kúnst að æsa fólk upp

„Séra Svavar“ út í Grímsey fyrir RÚV

Tengdar fréttir