Nýr bátur bættist í flota Grímseyinga

Nýr bátur bættist í dag í flota Grímseyinga.

Hinn nýi Björn EA 220 sem gerður er út af Heimskautssporti kom í heimahöfn síðdegis í dag, sunnudag. Nýjum bátum er alltaf vel fagnað í Grímsey; hefð heimamanna er að taka vel á móti bátum og áhöfn. Að sjálfsögðu var ekki breytt út af vananum í dag og sigldu flestir bátar eyjarinnar á móti Birni; buðu þannig bát og áhöfn velkomin heim eftir siglingu að sunnan.