Segir breytingar hjá Akureyrarbæ vera fúsk

Enn er deilt um breytingar á skipulagi forvarnar- og frístundamála hjá Akureyrarbæ, sem nýlega voru kynntar.

Árni Guðmundsson, félagsuppeldisfræðingur, ritar grein um málið í dag og segir frá nýlegum samstöðufundi SAMFÉS, samtaka félagsmiðstöðva, Félags fagfólks í frítímaþjónustu og FÍÆT, Félag íþrótta- æskulýðs og tómstundafulltrúa sveitarfélaga.

Árni segir: „Á fundinum kom berlega í ljós að það er alveg sama hvar borið er niður í fag- og fræðaumhverfinu og meðal ungmenna á Akureyri og örugglega mun víðar, breytt skipulag í æskulýðsmálum hjá Akureyrarbæ er fúsk.“

Hann segir að í raun sé verið að leggja niður eiginlegt starf félagsmiðstöðva og það sett inn sem stoðþjónusta í formlegu skólastarfi.

Grein Árna: Verulegt rými til framfara