Minnismerkið norðan athafnasvæðis Nökkva

Í gær var undirritaður samningur Akureyrarbæjar og Sjómannafélags Eyjafjarðar um staðsetningu minnismerkis um síðutogaraútgerð á Íslandi, sem verður sett upp austan við strandstíginn við Drottningarbraut. Minnismerkið er smíðað að frumkvæði áhugahóps um síðutogaraútgerð en verður í eigu Sjómannafélags Eyjafjarðar.

Síðastliðið sumar samþykkti skipulagsráð Akureyrarbæjar að minnismerkið yrði við strandstíginn og nú hefur verið samið um endanlega staðsetningu þess. Samkvæmt frétt á vefsíðu Akureyrarbæjar mun umhverfis- og mannvirkjasvið bæjarins sjá um jöfnun undirlags fyrir verkið og leggja til rafmagnstengingu. Sjómannafélag Eyjafjarðar ber hins vegar allan kostnað af uppsetningu og viðhaldið minnismerkisins.