Fara í efni
Umræðan

Leikskóli í Hagahverfi - lóðin stækkuð og færð

Hér má sjá loftkort af svæðinu, skjáskot af map.is, og mynd af breyttu skipulagi lagt þar yfir. Leikskólalóðin heitir S24 á skipulaginu.

Skipulagsráð Akureyrarbæjar leggur til við bæjarstjórn að auglýsa breytingu á aðal- og deiliskipulagi Hagahverfis sem felur í sér að afmörkuð verði tæplega eins hektara lóð undir leikskóla þar sem nú er bæjartorfan Naust II. Miðað er við að á lóðinni verði heimilt að byggja um tvö þúsund fermetra leikskóla á tveimur hæðum. Breytingin felst einkum í stækkun á því svæði sem ætlað er undir leikskólann.

Breyting á aðalskipulagi samfara þessari deiliskipulagsbreeytingu felst í því að aðkoma að svæðinu verður frá Naustagötu, meðal annars vegna þess að þörf er á stærra svæði fyrir leikskólalóðina en áður var talið þar sem nýir leikskólar eru almennt stærri en samkvæmt fyrri áætlunum. Landhalli er einnig minni á svæðinu þar sem gert er ráð fyrir leikskóla eftir breytingu og svæðið því talið hentugra fyrir lóð leikskóla. 

Á myndunum hér að neðan má sjá gildandi aðalskipulag og svo tillögu að breyttu aðalskipulagi á neðri myndinni. Breytingin felst í stækkun á reit S24, leikskólalóðinni, og færslu til austurs, og að austan og vestan við hana verði íbúðabyggð, en áfram gert ráð fyrir verslunar- og þjónustustarfsemi á vestasta hluta þessa opna svæðis við Naustagötuna.

Nokkuð er um minjar á svæðinu umhverfis bæinn Naust II og eru í breyttu aðalskipulagi settir skilmálar um að fornleifarannsókn skuli fara fram á svæðinu áður en heimild verður veitt til að hefja þar uppbyggingu. 

Fram kemur í umsögn Minjastofnunar að hún hafi veitt jákvæða umsögn varðandi niðurrif húsanna við Naust 2 enda falli húsin ekki undir verndarákvæði laga um menningarminjar. Eftir að sú umsögn var veitt barst stofnuninni þó ábending um að eitt húsanna væri í grunninn einstakt, byggt úr leirmold, hannað af Sveinbirni Jónssyni og það sé eina húsið af því tagi sem til væri hér á landi. Stofnunin hefur komið þessum upplýsingum áfram til Akureyrarbæjar með þeirri ósk að húsið verði skráð og teknar myndir. 

Almenningssamgöngur við flugvelli

Þóroddur Bjarnason skrifar
20. júní 2024 | kl. 20:00

Hjúkrunarheimili á Akureyri: Óþolandi staða

Hilda Jana Gísladóttir skrifar
20. júní 2024 | kl. 13:50

Ert þú í tengslum?

Guðmundur Ingi Guðbrandsson skrifar
14. júní 2024 | kl. 08:58

Lærðu að nota nalaxone nefúða, það getur bjargað lífi

Ingibjörg Halldórsdóttir skrifar
07. júní 2024 | kl. 11:15

Þingmenn opnið augun ­og finnið kjarkinn

Jón Hjaltason skrifar
05. júní 2024 | kl. 15:10

Hvað er að frétta í lífi án frétta?

Skúli Bragi Geirdal skrifar
05. júní 2024 | kl. 12:00