Komast Þórsstelpurnar aftur í úrslitaleikinn?

Annað árið í röð er kvennalið Þórs í körfuknattleik komið í undanúrslit bikarkeppninnar og annað árið í röð eru Grindvíkingar andstæðingarnir í undanúrslitunum. Í fyrra vann Þór með fjögurra stiga mun, 79:75 og mætti Keflvíkingum í úrslitaleiknum.

• VÍS-bikar kvenna í körfuknattleik, undanúrslit
  Smárinn í Kópavogi kl. 20
  Grindavík - Þór

Leikurinn verður í beinni útsendingu í Ríkissjónvarpinu – hér á RÚV2. Útsending hefst klukkan 19.45 og leikurinn kl. 20.00.

Þórsarar héldu suður yfir heiðar í gær og æfðu í íþróttasal ÍR í Breiðholtinu. Vitað er af einhverjum stuðningsmönnum sem brunuðu suður en hefðu Þórsarar tekið þátt í fyrri leik dagsins hefðu án efa fleiri drifið sig; líklega hugsa sér margir gott til glóðarinnar og stefna á suðurferð á laugardag – lifa í voninni um að Þórsliðið vinni í kvöld. Njarðvík og Þór/Hamar mætast í fyrri undanúrslitaleiknum sem hefst kl. 17.15.

Ástæða er til að hvetja Akureyringa á borgarhorninu til þess að fjölmenna í Smárann í Kópavogi í kvöld og styðja Þórsstelpurnar til sigurs. Frábær stemning var í Laugardalshöllinni á síðasta ári þegar fjölmargir stuðningsmenn Þórs voru áberandi á úrslitaleiknum, það dugði ekki gegn feykisterku Keflavíkurliði en Þórsara dreymir vitaskuld um að gera betur í ár.