Grímsey: Áform með Ytri-Grenivík samþykkt

Áform nthspace á Íslandi ehf. um endurbyggingu hússins Ytri-Grenivíkur í Grímsey fyrir rithöfundasetur eða fyrir annað listafólk til dvalar eru að komast á rekspöl. Í liðinni viku samþykkti byggingafulltrúi gögn sem Pálmar Kristmundsson hjá PK arkitektum vann og sendi inn fyrir hönd nthspace. 

Cillín Johann Perera stofnaði nthspace á Íslandi ehf. í apríl og hefur í samstarfi við PK arkitekta unnið að undirbúningi þess að endurbyggja og tengja húsin Sigtún og Ytri-Grenivík, sem standa syðst í eynni, eins og Akureyri.net greindi frá í júlí þegar skipulagsráð samþykkti að heimila umsækjanda að vinna tillögu að deiliskipulagi og vísaði erindinu um endurbætur á húsunum til byggingafulltrúa.