Fara í efni
Umræðan

462 krefjast þess að BSO verði áfram á sama stað

Ásthildur Sturludóttir bæjarstjóri á Akureyri, Theódóra Anna Torfadóttir og Hjörleifur Hallgríms þegar bæjarstjórinn tók við undirskriftalistanum. Ljósmynd: Skapti Hallgrímsson

Theódóra Anna Torfadóttir afhenti á föstudag Ásthildi Sturludóttur, bæjarstjóra á Akureyri, undirskriftalista þar sem því er mótmælt að hús Bifreiðastöðvar Oddeyrar, leigubílastöðvarinnar BSO, verði fært af núverandi stað í miðbænum. Theódór stóð að undirskriftasöfnuninni.

Alls skrifuðu 462 undir listann. Textinn þar er svohljóðandi:

Til stendur að loka Bifreiðastöð Oddeyrar (BSO) á þeim stað þar sem stöðin hefur staðið í bráðum 68 ár í miðbæ Akureyrar. Ég mótmæli því að BSO verði flutt og krefst þess að lóðarleigusamningur verði framlengdur og að húsið fái að vera á sínum stað til frambúðar.

Theódóra tók fram að undirskriftarlistinn hefði verið útbúinn í fyrra þannig að nú hefði umrætt hús staðið á sínum stað í nærri 69 ár.

Á síðasta ári framlengdi bærinn leigu á lóðinni til 31. maí á þessu ári en þá þurfa leigubílstjórar að víkja og rífa húsið á eigin kostnað eða láta flytja það. Húsið stendur þar sem nú heitir Hofsbót 1. Bæjarráð Akureyrar samþykkti í síðasta mánuði að auglýsa lóðina og þá næstu sunnan við, Hofsbót 3, og verður þeim úthlutað með útboðsleið.

Stórkostleg upplifun

Haraldur Hauksson skrifar
14. apríl 2024 | kl. 14:30

Þjónusta þjóðkirkju við landsbyggðina

Guðrún Karls Helgudóttir skrifar
12. apríl 2024 | kl. 15:15

Ómenning í fjallinu

Adolf Ingi Erlingsson skrifar
12. apríl 2024 | kl. 11:25

Elínborg – meðmæli með biskupsefni

Björg Ágústsdóttir skrifar
12. apríl 2024 | kl. 09:15

Í þágu ME-sjúklinga

Freyja Magnúsdóttir og Pétur Þór Jónasson skrifa
10. apríl 2024 | kl. 05:00

Umhyggja, kærleikur og mennska

Elínborg Sturludóttir skrifar
08. apríl 2024 | kl. 16:03