Fara í efni
Pistlar

Stefnumörkun í heilbrigðisþjónustu

Heilbrigðisþjónustan – 1

STEFNUMÖRKUN
 
Í aðdraganda kosninga eru nú hafnar umræður um heilbrigðisþjónustuna í landinu. Mikilvægt er fyrir frambjóðendur að fá að lýsa hugsjónum sínum og draumum varðandi úrbætur. En það er nauðsynlegt að setja raunhæf markmið.
 
Segja má að heilbrigðisþjónustan standi á tímamótum. Hér hefur á tiltölulega skömmum tíma orðið til mikil reynsla í skipulagi heilbrigðisþjónustu og ágæt þekking er til staðar í heilbrigðisfræðum og við erum þokkalega sjálfbær á flestum sviðum læknisfræðinnar þó stundum þurfi að senda sjúklinga erlendis til sérhæfðrar meðferðar. Hins vegar hefur, að margra mati, skort á að stjórnmálamenn hafi náð nægilega góðri samstöðu til að fylgja mætti skýrri stefnu til lengri tíma og við þetta myndast togstreita og truflun á fjárveitingum og langtímaáætlunum. Þetta hefur leitt til margs konar alvarlegra truflana. Nefna má seinagang í byggingu nýs Landspítala, mistök við skilgreiningu starfssviðs heilsugæslu, skort á heilbrigðisþjónustu á landsbyggðinni, skipulagsleysi í þjónustu við aldraða og andvaraleysi um aukna þjónustuþörf vegna mannfjöldaaukningar.
 
Tillaga um úrbætur:
 
  • Að stjórnmálamenn og sérstaklega Alþingismenn horfist í augu við að til þess að veita megi sem hagkvæmasta heilbrigðisþjónustu með jöfnu aðgengi fyrir alla þá þurfum við að nýta margbreytileg og sveigjanleg rekstrarform. Þetta er vel hægt að gera án þess að einkavæða heilbrigðisþjónustuna.
 
Ólafur Þór Ævarsson er geðlæknir
 
Hagsmunayfirlýsing: Höfundur er læknir, ekki stjórnmálamaður.

Ekki ganga af göflunum

Stefán Þór Sæmundsson skrifar
13. september 2025 | kl. 06:00

Svartþröstur

Sigurður Arnarson skrifar
10. september 2025 | kl. 09:15

Fífilgerði, gamla íbúðarhúsið

Arnór Bliki Hallmundsson skrifar
09. september 2025 | kl. 06:00

Rabarbari

Sigmundur Ernir Rúnarsson skrifar
08. september 2025 | kl. 11:30

Tvístígandi

Jóhann Árelíuz skrifar
07. september 2025 | kl. 06:00

Hvar eru geitungarnir grimmu?

Stefán Þór Sæmundsson skrifar
06. september 2025 | kl. 06:00