Rabbabari á skúrþaki

EYRARPÚKINN - 33

Við Stebbi litli flatmögum á grænum skókassa Hermínu og Hreiðars með rabbabara og sykur í bréfpoka.

Bragðast ljósgrænn leggur blöðkunnar okkur aldrei betur en uppá skúr með lappirnar dinglandi fram af enda er eldsúr rabbabarinn góður fyrir glerunginn.

Það er alstaðar rabbabari og stundum er hýðið grænt og stundum rautt og ekki eru hvíturnar dónalegar sem mamma sýður niðrí krukkur með sykurlegi og fjölskyldan borðar með blönduðum ávöxtum úr dós um jól og hátíðir.

Við syngjum Bjössi á mjólkurbílnum og Komdu niður kveður amma og dreymir loðhúfu Davids Crocketts þó fullheitt væri á slíkum morgni.

Jóhann Árelíuz er rithöfundur og skáld.

• Rabbabari á skúrþaki er kafli úr Eyrarpúkanum, gáskafullu skáldverki sem gerist á Eyrinni á Akureyri um miðja síðustu öld. Bókin kom út 2003.