KA-menn taka á móti Aftureldingu í kvöld

Sjöunda umferð efstu deildar karla í handknattleik, Olísdeildarinnar, er hálfnuð. KA-menn taka á móti liði Aftureldingar í kvöld og umferðinni lýkur annað kvöld með tveimur leikjum.

Tveir síðustu leikir KA voru á útivelli, hinn fyrri í bikarkeppninni gegn Víkingi og síðan sóttu KA-strákarnir Stjörnuna heim í Garðabæ í sjöttu umferð Íslandsmótsins. Báðir leikirnir töpuðust býsna óvænt en KA er í fjórða sæti deildarinnar, hefur unnið fjóra leiki en tapað tveimur, og með sigri í kvöld færi KA upp í annað sæti. KA er með átta stig, Afturelding og FH með níu, en Haukar á toppnum með 14 stig – Haukarnir hafa unnið alla sjö leikina. 

• Handbolti
  Olísdeild karla, 7. umferð
  KA-heimilið kl. 19
  KA - Afturelding