Fara í efni
Umræðan

Um 1.000 í einangrun á Norðurlandi eystra

Um 50 starfsmenn Sjúkrahússins á Akureyri eru fjarverandi vegna Covid-19 og er það ein aðaláskorun sjúkrahússins þessa dagana. Þetta kemur fram á vef sjúkrahússins.

Í umdæmi lögreglunnar á Norðurlandi eystra eru nú skráðir 1050 í einangrun vegna Covid-19 og um 860 í sóttkví. Alls greindust um 1500 ný smit innanlands sl. sólarhring. Þar af voru um 140 hér fyrir norðan. Einn er inniliggjandi á sjúkrahúsinu vegna Covid-19 og sjúkrahúsið er á hættustigi.

Heimsóknir eru leyfðar á legudeildir sjúkrahússins frá og með deginum í dag, þó einungis einn gestur á dag til hvers sjúklings. Heimsóknargestir skulu vera þríbólusettir eða tvíbólusettir eða hafa fengið staðfest Covid-19 smit innan síðustu 6 mánaða. „Gestir þurfa að vera án flensulíkra einkenna og mega því ekki vera með t.d. hita, höfuðverk, hósta eða beinverki. Heimsóknargestir skulu bera fínagnagrímu (veirugrímu). Hægt er að nálgast þær á sjúkrahúsinu,“ segir á vef SAk.

„Einangrun vegna Covid-sýkingar verður stytt úr sjö dögum í fimm með reglugerð heilbrigðisráðherra sem tekur gildi í dag. Sem fyrr verður þó heimilt að framlengja einangrun ef þörf krefur samkvæmt læknisfræðilegu mati. Frá sama tíma er afnumin skylda þeirra til að sæta sóttkví eða viðhafa smitgát sem eru með afstaðna sýkingu sem greind var með PCR-prófi (ekki yngra en 7 daga gamalt og ekki eldra en 180 daga).“

Stækkun og endurbætur á félagsaðstöðu í Víðilundi

Sunna Hlín Jóhannesdóttir og Gunnar Már Gunnarsson skrifa
08. maí 2025 | kl. 13:45

Líflínan

Ingibjörg Isaksen skrifar
07. maí 2025 | kl. 08:00

Samstaða, kjarkur og þor

Björn Snæbjörnsson skrifar
05. maí 2025 | kl. 15:00

Um nesti, fótbolta og fótbolta kvenna

Þór Karls skrifar
30. apríl 2025 | kl. 06:00

Afgangur og þrír þræðir jarðtengingar

Gunnar Már Gunnarsson skrifar
15. apríl 2025 | kl. 16:00

Bjánarnir úti á landi

Þorvaldur Lúðvík Sigurjónsson skrifar
15. apríl 2025 | kl. 12:53