Ný drög arkitekta vegna Tónatraðar

Ný drög frá Yrki arkitektum um breytingu á deiliskipulagi við Tónatröð voru lögð fram á fundi skipulagsráðs Akureyrar í síðustu viku.

Í hinum nýju drögum frá Yrki, sem hefur unnið hugmyndir að uppbyggingu á svæðinu fyrir SS Byggir, er gert ráð fyrir fjórum fjölbýlishúsum vestan við götuna en ekki fimm eins og áður í ljósi þess að Minjastofnun heimilar ekki að húsið númer 8 verði fjarlægt. Húsið er því á sínum stað í hinum nýju drögum.

Skipulagsráð samþykkti að fresta ákvörðun um framhald málsins þar til nýtt skipulagsráð hefur tekið við að loknum sveitarstjórnarkosningum.