Réttindi neytenda á tímum Covid
13. nóvember 2020 | kl. 13:00
Umræðan
Margir kjósendur eru enn óákveðnir
03. maí 2022 | kl. 13:37
Rúmlega 31% kjósenda á Akureyri eru enn óákveðnir hvaða framboð þeir hyggjast veita atkvæði í bæjarstjórnarkosningunum á Akureyri 14. maí næstkomandi skv. könnun sem Rannsóknamiðstöð Háskólans á Akureyri (RHA) gerði 25. apríl til 2. maí.
Spurt var: Ef kosið yrði nú, hvaða flokk er líklegast að þú myndir kjósa?
Af þeim sem svöruðu voru rúmlega 30% ennþá óákveðin og 7,4% vildu ekki gefa upp sína afstöðu. Af þeim sem svöruðu ætla 16,7% að kjósa Sjálfstæðisflokkinn, 14,9% Samfylkinguna og 14,6% L-listann.
Samkvæmt þessu fengju því þessir þrír flokkar tvo menn kjörna í bæjarstjórn. Sjálfstæðisflokkurinn missti skv. því einn mann en Samfylkingin og L-listinn héldu sínu frá því fyrir fjórum árum.
Kattaframboðið og Flokkur fólksins næðu inn manni
Framsóknarflokkurinn mælist með 13% fylgi, Flokkur fólksins með 11,3%, Vinstri græn með 7,9%, Kattaframboðið með 7,8% og Miðflokkurinn með 7,4% og fá hvert um sig einn mann kjörinn. Framsóknarflokkurinn hefur nú tvo bæjarfulltrúa, Vinstri græn og Miðflokkurinn einn. Flokkur fólksins og Kattaframboðið yrðu þá nýliðar í bæjarstjórn.
Píratar mælast með 6,4% og ná ekki inn manni samkvæmt þessu.
„Vegna hás hlutfall óákveðinna geta þessar tölur breyst talsvert þegar talið verður upp úr kössunum á kjördag. Alls svöruðu 398 spurningunni og af þeim voru 31,3% óákveðin, 7,4% vildu ekki svara og 1,1 % ætlar ekki að mæta á kjörstað,“ segir á vef RHA.
Fylgi framboðanna á Akureyri skv. könnun RHA.
Jónas Hallgrímsson
16. nóvember 2020 | kl. 07:15
Jón Sveinsson - Nonni
17. nóvember 2020 | kl. 10:30
Matthías Jochumsson
18. nóvember 2020 | kl. 17:09
Íslenska, nútími og lestur
19. nóvember 2020 | kl. 10:10
Bílastæðaklukkur í miðbæ Akureyrar
20. nóvember 2020 | kl. 10:00
