Fara í efni
Umræðan

Hestar heimsóttu íbúa Lögmannshlíðar

Myndir af Facebook-síðu Heilsuverndar hjúkrunarheimila.

Í síðustu viku fengu íbúar hjúkrunarheimilisins Lögmannshlíðar óvenjulega og skemmtilega gesti þegar þau Baugur og Harpa kíktu í heimsókn. Þeim var reyndar ekki boðið inn í kaffi og með því enda eru Baugur og Harpa hestar og létu sér nægja að vera úti í garði. Íbúar Lögmannshlíðar tóku vel á móti gestunum, klöppuðu þeim og gáfu þeim brauð og nokkrir brugðu sér meira að segja á bak!

Heimsókn Baugs og Hörpu vakti mikla lukku íbúa og hestarnir voru líka kátir enda brauð á boðstólum.

Sagt er frá þessari heimsókn á Facebook-síðu Heilsuverndar, sem rekur hjúkrunarheimilin á Akureyri. Þar kemur fram að starfsmaðurinn Elín Birna hafi komið með Baug og Hörpu og heimsóknin hafi vakið mikla lukku íbúa. „Gleðin skein úr hverju andliti og margir rifjuðu upp gamlar minningar tengdar hestamennsku. Þeir Guðmundur, Jósep og Siggi létu ekki sitt eftir liggja og skelltu sér á hestbak. Það var greinilegt að þeir höfðu engu gleymt og sátu hestana af öryggi og ánægju,“ segir í frásögn af heimsókninni.

Nokkrar myndir fylgja hér en á Facebook-síðu Heilsuverndar er myndasafn frá heimsókninni.

Erum við ekki í sama liði?

Þorleifur Ananíasson skrifar
16. nóvember 2026 | kl. 06:00

Tíu milljarða halli

Njáll Trausti Friðbertsson skrifar
15. nóvember 2026 | kl. 11:45

Tenerife í stað Kaupmannahafnar – eru áherslurnar réttar?

Þórhallur Jónsson skrifar
10. nóvember 2026 | kl. 15:45

Icelandair ætti að horfa norður

Birgir Orri Ásgrímsson skrifar
09. nóvember 2026 | kl. 19:30

Mikilvæg skref í átt að samþættingu þjónustu við eldri borgara

Guðbjörg Anna Björnsdóttir skrifar
05. nóvember 2026 | kl. 12:30

Framtíð, atvinna og velferð í verki

Berglind Ósk Guðmundsdóttir skrifar
05. nóvember 2026 | kl. 11:00