Haustfrí hafið í skólum á Akureyri

Haustfrí er brostið á í öllum grunn- og framhaldsskólum Akureyrar. Haustfríið hófst að loknum skóladegi í dag og stendur það fram á miðvikudag.

Búast má við því að margar fjölskyldur noti tækifærið og bregði sér út fyrir bæinn næstu fjóra daga. Fjölskyldufólk sem verður í bænum í haustfríinu getur hinsvegar fundið sér ýmislegt til dundurs um helgina.

• Mæðgur geta til dæmis mætt á skemmtimót Píludeilar Þórs í kvöld en mótið er haldið til styrktar Krabbameinsfélags Akureyrar.
• Í Hofi opnar sýning á verkum listakonunnar Rebekku Kühnis. Sýningin nefnist Hverfult en þar sýnir Rebekka málverk af íslenskri náttúr auk nokkurra teikninga frá fyrri árum.
• Þá eru enn lausir nokkrir miðar á sýningu kvöldsins á Litlu Hryllingsbúðinni í Samkomuhúsinu og eins er hægt að skella sér í bíó um helgina á glænýja íslenska kvikmynd, Topp 10 möst.
• Í Freyvangi verður svo bingó á sunnudaginn kl. 14. Klukkan 11 sama dag er krakkakirkja í Glerárkirkju og kl. 17 verður bleik messa í Akureyrarkirkju þar sem tónlistarkonan Eva Cassidy verður heiðruð. 

Á heimasíðu Akureyrarbæjar eru einnig birtar alls kyns hugmyndir fyrir fjölskylduna í haustfríinu: Haustfrí á Akureyri

Þá má finna ýmsar fjölskylduvænar hugmyndir inn á heimasíðunni Upplifðu Norðurland: 

• Topp 10 fjölskylduafþreying á Norðurlandi.