Fara í efni
Umræðan

Arna Sif besti leikmaður Bestu deildarinnar

Arna Sif Ásgrímsdóttir með Íslandsmeistaraskjöldinn á laugardaginn. Ljósmynd: fotbolti.net - Hafliði…
Arna Sif Ásgrímsdóttir með Íslandsmeistaraskjöldinn á laugardaginn. Ljósmynd: fotbolti.net - Hafliði Breiðfjörð

Arna Sif Ásgrímsdóttir, fyrrverandi fyrirliði Þórs/KA, var besti leikmaður Bestu deildarinnar í knattspyrnu í sumar að mati leikmanna deildarinnar. Valið var tilkynnt í uppgjörsþætti Bestu deildar kvenna á Stöð 2 Sport á laugardag.

Valið kemur ekki á óvart því Arna Sif var frábær í liði Vals sem varð bæði Íslands- og bikarmeistari. Hún var einn allra besti leikmaður Íslandsmótsins í fyrrasumar, yfirburðamaður í liði Þórs/KA, og hafði vistaskipti að leiktíðinni 2021 lokinni.

Svo skemmtilega vill til að hvorki fleiri né færri en sex leikmenn meistaraliðs Vals hafa spilað með Þór/KA, og þar af eru þrjár stelpnanna uppaldar hjá Akureyrarfélögunum. Arna Sif og Lillý Rut Hlynsdóttir í Þór og Anna Rakel Pétursdóttir í KA og allar léku þar lengi með meistaraflokki Þórs/KA.

  • Anna Rakel Pétursdóttir tók þátt í öllum 18 leikjum Vals á Íslandsmótinu í sumar. Hún lék með Þór/KA 2014 til 2018
  • Arna Sif Ásgrímsdóttir tók þátt í öllum 18 leikjum Vals á Íslandsmótinu í sumar. Hún lék með Þór/KA 2007 til 2014 og aftur 2018 til 2021.
  • Lillý Rut Hlynsdóttir var meidd í nánast allt sumar en náði tveimur síðustu leikjum Íslandsmótsins.
  • Lára Kristín Pedersen sem tók þátt í öllum 18 leikjum Vals á Íslandsmótinu í sumar lék með Þór/KA sumarið 2019.
  • Sandra Sigurðardóttir sem stóð í mark Vals í 17 leikjum á Íslandsmótinu í sumar, er frá Siglufirði og lék með Þór/KA/KS, eins og sameiginlegt lið Akureyrar og Siglufjarðar kallaðist, frá 2001 til 2004.
  • Þórdís Hrönn Sigfúsdóttir sem tók þátt í öllum 18 leikjum Vals á Íslandsmótinu í sumar lék með Þór/KA sumarið 2019.

Anna Rakel Pétursdóttir og Arna Sif Ásgrímsdóttir fagna í sumar. Ljósmynd: fotbolti.net - Hafliði Breiðfjörð

Arna Sif eftir að Valur varð bikarmeistari í sumar. Ljósmynd: fotbolti.net - Hafliði Breiðfjörð

Lautin athvarf 20 ára (22 ára)

Ólafur Torfason skrifar
09. desember 2022 | kl. 14:00

Örugg skref í átt að sjálfbærni

Elma Eysteinsdóttir skrifar
05. desember 2022 | kl. 21:00

Metnaðarfull áætlun fyrir sveitarfélagið

Heimir Örn Árnason skrifar
05. desember 2022 | kl. 20:35

Ánægð með að hlustað var á Samfylkinguna

Hilda Jana Gísladóttir skrifar
05. desember 2022 | kl. 16:55

Aukið fjármagn frá ríkinu breytir stöðunni

Sunna Hlín Jóhannesdóttir skrifar
05. desember 2022 | kl. 16:00

Fjárhagsáætlun Akureyrarbæjar

Jana Salóme Ingibjargar Jósepsdóttir skrifar
05. desember 2022 | kl. 15:45