Réttindi neytenda á tímum Covid
13. nóvember 2020 | kl. 13:00
Umræðan
Andrésar andar leikarnir verða í næstu viku
15. apríl 2021 | kl. 06:00
Ljósmynd: Skapti Hallgrímsson.
Andrésar andar leikarnir hafa verið færðir aftur á upprunalega dagsetningu og verða í næstu viku, dagana 21. til 24. apríl. Framkvæmdanefnd leikanna tilkynnti þetta í gærkvöldi, en áður hafði þeim verið seinkað um þrjár vikur vegna sóttvarnarreglna.
Í tilkynningu segir að fyrir viku hafi nefndin talið mjög ólíklegt að sóttvarnarreglur mundu breytast með þeim hætti sem þær gerðu í vikunni. „Nú þegar þessi gluggi í síbreytilegu umhverfi sóttavarnarreglna hefur opnast þá finnst okkur skynsamlegt að halda leikana á upprunalegri dagsetningu, í stað þess að bíða í þrjár vikur og vita ekki í hvaða umhverfi við verðum með sóttvarnartakmarkanir þá.“
Tekið er fram að sóttvarnarreglur setji framkvæmdanefndinni þröngar skorður varðandi ýmsilegt, t.d. foreldra og aðra áhorfendur, húsnæði í fjallinu. Engin dagskrá verður í bænum að þessu sinni og verðlaunaafhendingar í Hlíðarfjalli að lokinni keppni í hverjum flokki.
„Foreldrar og aðstandendur í Hlíðarfjalli bera ábyrgð á því að fylgja gildandi reglum er varða samkomutakmarknir á svæðinu,“ segir í tilkynningu frá framkvæmdanefndinni. „Við vonumst svo sannarlega til að þetta hafi ekki áhrif á þátttöku keppenda og að allir geti tekið þátt í leikunum sem skráðir voru. Sjáumst í Hlíðarfjalli með bros á vör!“
Jónas Hallgrímsson
16. nóvember 2020 | kl. 07:15
Jón Sveinsson - Nonni
17. nóvember 2020 | kl. 10:30
Matthías Jochumsson
18. nóvember 2020 | kl. 17:09
Íslenska, nútími og lestur
19. nóvember 2020 | kl. 10:10
Bílastæðaklukkur í miðbæ Akureyrar
20. nóvember 2020 | kl. 10:00
