Fara í efni
Umræðan

Akureyringar voru að tvíborga skattinn sinn

Akureyringar voru að tvíborga skattinn sinn

Akureyrarbær rak um tíma öldrunarþjónustu bæjarins í samstarfi við ríkisvaldið. Gerður var samningur um reksturinn og átti ríkisvaldið að standa undir kostnaðinum. Raunveruleikinn var þó þannig að bærinn þurfti að greiða hundruði milljóna með rekstrinum á hverju ári því greiðslurnar frá ríkisvaldinu dugðu ekki til að standa undir rekstrinum. Að lokum þraut langlundargeð bæjarfulltrúa og rekstrinum var skilað til ríkisins.

Við bæjarbúar greiðum okkar skatta, m.a. til að standa undir öldrunarþjónustunni, en við greiddum líka á milli 340 og 400 milljónir árlega til þessarar sömu þjónustu í gegnum okkar útsvar. Við greiddum sama hlutinn tvisvar. Uppsafnað er þetta talið í milljörðum. Milljörðum sem hægt hefði verið að setja í verkefni sem hefðu nýst bæjarbúum beint í staðinn fyrir að greiða niður þjónustu sem ríkisvaldið á að kosta.

Galið...? Já galið.

Framhaldið varðandi rekstur öldrunarheimilanna er þekkt. Einkaaðili sér nú um rekstur þeirra. Og til að bæta gráu ofan á svart þá tók ríkisvaldið húsnæði öldrunarheimilanna, sem er að hluta til í eigu bæjarins og afhenti núverandi rekstraraðila öldrunarheimilanna án þess að ganga þannig frá málum að bærinn fái greidda leigu fyrir. Og þannig er staðan í dag. Bærinn á húsnæði sem einkaaðili er með í notkun í sínum rekstri en bærinn fær ekki greidda leigu fyrir það.

Galið...? Já galið.

Nú styttist í kosningar og á Akureyri eru níu framboð að tefla fram listum. Ekki hefur farið mikið fyrir umfjöllun um þetta hingað til í kosningabaráttunni. Einn listinn, bæjarlisti L-listans sem ekki er með tengingar inn í stóru flokkana, segir þó á sinni heimasíðu: Gera kröfu um að ríkið greiði það sem því ber og geri upp skuld vegna málaflokka og einnig krefja ríkið um eðlilegt endurgjald fyrir leigu á húsnæði í eigu bæjarins.

Við eigum að standa í lappirnar, einnig gagnvart ríkisvaldinu. Það er ekki líðandi að greiða sama hlutinn tvisvar, ekki heldur þó málefnið sé gott.

Helgi Haraldsson er í 16. sæti hjá L-listanum fyrir bæjarstjórnarkosningarnar 14. maí.

Réttindi neytenda á tímum Covid

Brynhildur Pétursdóttir skrifar
13. nóvember 2020 | kl. 13:00

Jónas Hallgrímsson

Tryggvi Gíslason skrifar
16. nóvember 2020 | kl. 07:15

Jón Sveinsson - Nonni

Haraldur Þór Egilsson skrifar
17. nóvember 2020 | kl. 10:30

Matthías Jochumsson

Tryggvi Gíslason skrifar
18. nóvember 2020 | kl. 17:09

Íslenska, nútími og lestur

Sverrir Páll skrifar
19. nóvember 2020 | kl. 10:10

Bílastæðaklukkur í miðbæ Akureyrar

Anna Kolbrún Árnadóttir skrifar
20. nóvember 2020 | kl. 10:00