Reiknað með miklum fjölda í bólusetningu

Gert er ráð að mikill fjöldi fólks mæti til að fá örvunarskammt af Covid-19 bóluefni á slökkvistöðinni á Akureyri í dag. Opið verður frá klukkan 9.00 til 16.00.

Í gær, þegar notað var efni frá Moderna, mættu um 2.000 manns en 3.200 voru boðaðir. Álíka margir fengu boð um að mæta í dag þannig að reiknað er með að mun fleiri láti sjá sig þá, þegar gefið verður bóluefni frá Pfizer; margir sem gefinn var tími í dag og fjöldi sem af einhverjum ástæðum mætti ekki í gær.