Akureyrarveikin: vísindalegar lýsingar voru birtar í Lancet
![](/static/news/lg/jonas-bergquist_0g7a4859.jpg)
Sænski læknirinn og vísindamaðurinn Jonas Bergquist segir lýsingar á Akureyrarveikinni, sem geisaði 1948 og 1949, passa vel við það sem í dag sé vitað um langtímaafleiðingar COVID-19. Þetta kemur fram í viðtali við Jonas sem birtist á Akureyri.net í morgun.
Ekki er vitað hvaða veira mögulega orsakaði Akureyrarveikina að sögn Bergquist og því sé ekki hægt að slá því föstu að skyldleiki sé með henni og COVID-19 en rannsóknir séu mikilvægar. Hann rannsakar núna langtíma eftirköst COVID-19, meðal annars með hliðsjón af Akureyrarveikinni, ME-sjúkdómnum og langtíma afleiðingum þeirra.
„Mér finnst mikilvægt að við lærum af sögunni, bæði af mistökum sem við gerum með tímanum, en líka með þeirri þekkingu sem safnað hefur verið. Þegar farið er yfir þær skrár sem lýsa Akureyrarveikinni passa þær vel við það sem við vitum í dag um ME og líka við langtímaafleiðingar COVID-19. Íslenskir læknar með Björn Sigurðsson á Keldum í fararbroddi eiga mikinn heiður skilinn. Akureyrarveikin var ekki fyrsti faraldurinn í heiminum af þessum torkennilega sjúkdómi en hann var sá fyrsti sem lýst var á vísindalegan hátt og sjúklingum var fylgt eftir og niðurstöður birtar í alþjóðlegum vísindaritum eins og Lancet. Svo strax á þessum tíma, á fimmta áratugnum, gat fólk lýst fyrirbærinu mjög vel.“
Smellið hér til að lesa viðtalið við Jonas Bergquist.
![](/static/news/xs/1725069208_stefoslo24.jpg)
![](/static/news/xs/lind2384-2-2x.jpg)
Hver er þín fyrirmynd?
![](/static/news/xs/johann-areliuz-pistlar.jpg)
Stelpustrákur
![](/static/news/xs/1724840294_1-sigurdur-nota.jpg)
Þyrniættkvíslin
![](/static/news/xs/1724754154_1713889706_rakel.jpeg)
„Friðurinn heltekur mig alltaf“
![](/static/news/xs/1724748714_olafur-thor-pistlar.jpg)