Pistlar

Gerum daginn girnilegan

Haraldur Ingólfsson skrifar 11. júlí 2023 | kl. 07:00

Þetta girnilega asíska rækjusalat er á meðal réttanna fimm sem verða í boði á Fiskideginum mikla í næsta mánuði. Mynd: gerumdaginngirnilegan.is

Fiskidagurinn mikli verður tvítugur í næsta mánuði, en Dalvíkingar bjóða nú aftur heim eftir þriggja ára hlé sem varð á viðburðinum vegna heimsfaraldursins og eftirkasta hans.

Fjölskylduhátíðin Fiskidagurinn mikli fer fram í Dalvíkurbyggð helgina eftir verslunarmannahelgi eða 11.-13. ágúst. Fiskverkendur og fleiri framtakssamir aðilar í byggðarlaginu bjóða, með hjálp góðra styrktaraðila, landsmönnum öllum upp á dýrindis fiskrétti á laugardeginum.

Matseðillinn breytist frá ári til árs en réttirnir sem boðið er upp á eru þekktir fyrir að vera sér í lagi gómsætir. Höfundur flestra réttanna er matreiðslumaðurinn Friðrik V. Hraunfjörð, betur þekktur sem Friðrik fimmti. Í ár voru fimm af réttunum unnir í samstarfi við uppskriftavefinn Gerum daginn girnilegan og er nú hægt að nálgast þar uppskriftir og myndbönd af fimm ljúffengum réttum sem verða í boði á Fiskideginum mikla í ár.

Til baka í yfirlit pistla