Pistlar

Bikarinn: Þór-FH, KA gegn Hetti eða Neista

Skapti Hallgrímsson skrifar 24. mars 2026 | kl. 12:45

Þórsarinn Ágúst Eðvald Hlynsson og félagar mæta FH í bikarkeppninni en Hallgrímur Mar Steingrímsson og samherjar í KA takast á við leikmenn Hattar eða Neista. Myndir: Ármann Hinrik

Þórsarar fá FH-inga í heimsókn í 32-liða úrslitum bikarkeppni karla í knattspyrnu, Mjólkurbikarsins, en KA leikur á útivelli gegn Hetti frá Egilsstöðum, sem leikur í D-deild Íslandsmótsins, eða Neista frá Djúpavogi sem er utan deilda. Austfirsku liðin eiga eftir að mætast í 64-liða úrslitum. Dregið var í 32-liða úrslitunum í dag.

Lið úr Bestu deildinni, efstu deild Íslandsmótsins, mætast í þremur tilfellum; auk viðureignar Þórs og FH eru það KR-Valur og Fram-Víkingur. Leikir 32-liða úrslitanna fara fram eftir hálfan mánuð, 4.-7. apríl. Keppni í Bestu deildinni hefst nokkrum dögum síðar; Akureyrarfélögin hefja bæði leik sunnudaginn 12. apríl, KA á heimavelli gegn Stjörnunni en Þór á útivelli gegn Val.

Leikir í 32-liða úrslitanna eru þessir, í þeirri röð sem dregið var:

ÍBV - Þróttur R./Víkingur Ó.

Vestri - Leiknir R./Smári

ÍA - Haukar/KFR

Fjölnir/Víðir - HK/BF108

KR - Valur