Fara í efni
Umræðan

Verðlaunatillögur að stúdentagörðum

Tillaga arkitektastofunnar Nordic Office of Architecture sem hlaut 1. verðlaun í samkeppni um hönnun á nýjum stúdentagörðum fyrir Félagsstofnun stúdenta Akureyri

Arkitektastofan Nordic Office of Architecture hlaut 1. verðlaun í samkeppni um hönnun á nýjum stúdentagörðum fyrir Félagsstofnun stúdenta Akureyri (FÉSTA). Ellefu tillögur bárust innan settra tímamarka.

Dómnefnd var einróma í vali á 1. verðlaunatillögu, segir á vef Miðstöðvar hönnunar og arkitektúrs. Í dómnefndaráliti segir um verðlaunatillöguna:

,,Tillagan vakti hrifningu dómnefndar fyrir framúrskarandi lausnir og vandaða byggingarlist. Þrjár ferhyrndar byggingar með möguleika á þeirri fjórðu nyrst á lóðinni er leyst á mjög sannfærandi hátt. [...] Dómnefnd var sammála um að tillagan endurspegli framsækna hönnun, sé fagmannlega unnin og vel upp sett. Mikill skilningur er á gæðum rýma og tengingu þeirra á milli sem er ætlað að tryggja vistvæna og heilnæma búsetu."

Í 2. sæti var tillaga HJARK+Sastudio og í þriðja sæti var tillaga Kollgátu og KRADS.

Á vef Miðstöðvar höjnunar og arkitektúrs segir ennfremur: 

Búsetuþarfir stúdenta við HA hafa verið að breytast á síðustu árum og hefur framboð húsnæðis hjá Félagsstofnun Stúdenta Akureyri (FÉSTA) ekki náð að fylgja eftir þeirri þróun. Eftirspurnin hefur mest verið eftir minni íbúðum s.s. stúdíó íbúðum, 2ja herbergja íbúðum og einstaklingsherbergjum. Á grundvelli könnunar og greiningarvinnu FÉSTA var niðurstaðan sú að þörf væri á að FÉSTA myndi auka framboð sitt á minna húsnæði og húsnæði sem uppfyllti nútíma kröfur.

Í framhaldi af því efndi FÉSTA í samstarfi við Arkitektafélag Íslands til opinnar framkvæmdarsamkeppni um hönnun á nýjum stúdentagörðum innan háskólasvæðis Háskólans á Akureyri (HA). Meginmarkmið samkeppninnar er að fá tillögu sem gerir FÉSTA kleift að byggja bjartar og aðlaðandi íbúðir í góðu samræmi við húsnæðisþarfir nemenda HA.

Dómnefndin var sammála um að innsendar tillögur hafi verið fjölbreyttar og úrlausnir tillöguhöfunda ólíkar og margar áhugaverðar. Fjórar tillögur skáru sig úr með að svara áherslum dómnefndar á heildstæða byggingarlist, innra skipulag og lóðarfrágang.

1. verðlaun - Nordic Office of Architecture
_ _ _

2.  verðlaun - HJARK+Sastudio
_ _ _

3. verðlaun - Kollgáta og KRADS
_ _ _

Smellið hér til að sjá alla fréttina um hönnunarsamkeppnina á vef Miðstöðvar hönnunar og arkitektúrs.

Stórkostleg upplifun

Haraldur Hauksson skrifar
14. apríl 2024 | kl. 14:30

Þjónusta þjóðkirkju við landsbyggðina

Guðrún Karls Helgudóttir skrifar
12. apríl 2024 | kl. 15:15

Ómenning í fjallinu

Adolf Ingi Erlingsson skrifar
12. apríl 2024 | kl. 11:25

Elínborg – meðmæli með biskupsefni

Björg Ágústsdóttir skrifar
12. apríl 2024 | kl. 09:15

Í þágu ME-sjúklinga

Freyja Magnúsdóttir og Pétur Þór Jónasson skrifa
10. apríl 2024 | kl. 05:00

Umhyggja, kærleikur og mennska

Elínborg Sturludóttir skrifar
08. apríl 2024 | kl. 16:03