Miklar líkur á að Hlynur leiði Miðflokkinn áfram

Hlynur Jóhannsson, bæjarfulltrúi Miðflokksins, hefur í hyggju að leiða lista flokksins við bæjarstjórnarkosningarnar næsta vor. Hann staðfestir þetta í svari við fyrirspurn akureyri.net.

Hlynur hefur leitt framboðslista Miðflokksins í tvennum síðustu kosningum og hefur því setið átta ár í bæjarstjórn þegar kjörtímabilinu lýkur. Flokkurinn hefur átt einn fulltrúa í bæjarstjórn síðustu tvö kjörtímabil.

Svar Hlyns var stutt og laggott:

Já það eru miklar líkur á því að ég muni leiða listann okkar í næstu sveitarstjórnarkosningum.

Kosið verður til sveitarstjórna 16. maí í vor.