Umræðan

KA og Þór leika í kvöld um Kjarnafæðisbikarinn

Skapti Hallgrímsson skrifar 25. mars 2023 | kl. 15:15

Akureyrarliðin KA og Þór leika til úrslita í Kjarnafæðismótinu í knattspyrnu, árlegu æfingamóti sem Knattspyrnudómarafélag Norðurland stendur fyrir. Leikurinn hefst í Boganum kl. 20.00.

Mikið fjör er jafnan þegar þessir erkifjendur mætast og er ástæða til þessa að hvetja stuðningsmenn liðanna til að fjölmenna í Boganum, bæði til að styðja sína menn en ekki síður vegna þess að allur aðgangseyrir rennur til mjög góðs málefnis.

„Fyrir okkur í KDN er þessi leikur ekki síður fjáröflun fyrir Krabbameinsfélag Akureyrar. Ef þið sjáið ykkur ekki fært að mæta þá er hægt að styrkja þetta mikilvæga starf, með því að leggja aðgangseyrinn, litlar 500 kr (eða aðra upphæð sem hentar þér) inn á reikning,“ segir í tilkynningu frá dómarafélaginu.

Umræddur reikningur er:

0565 - 14 - 102001
Kennitala 461207-0490

„Fyrir þá sem ekki komast ætlar KA að sýna leikinn beint á KA-TV í boði Bílaleigu Akureyrar og N1 og kunnum við þeim bestu þakkir fyrir!“ segir ennfremur í tilkynningunni frá dómurum.

Til baka í umræðuna