Fara í efni
Umræðan

KA-menn fyrstir til að vinna Fram í Úlfarsárdal

Bruno Bernat stóð í marki KA í seinni hálfleik og var frábær. Ljósmynd: Skapti Hallgrímsson
Bruno Bernat stóð í marki KA í seinni hálfleik og var frábær. Ljósmynd: Skapti Hallgrímsson

KA varð í dag fyrsta liðið til að sigra Fram í Olís deild Íslandsmótsins í handbolta á nýlegum heimavelli þeirra í Úlfarsárdal. Lokatölur urðu 31:30. KA er þá komið með átta stig að loknum 10 leikjum og er í áttunda sæti, þremur á undan Gróttu. Fram er í öðru sæti deildarinnar.

KA-menn byrjuðu af miklum krafti og létu forystuna aldrei af hendi. Þeir voru einu marki yfir í hálfleik, 15:14, en léku gríðarlega vel í þeim seinni og komust mest sex mörkum yfir, 29:23. Þá voru aðeins sjö mínútur eftir og allt stefndi í mjög öruggan sigur, en spennan komst í hámark í blálokin. Heimamenn minnkuðu muninn jafnt og þétt, skoruðu m.a. tvisvar í tómt markið eftir að KA-menn ákváðu að leika sjö í sókninni.

Ein­ar Rafn Eiðsson, sem hafði verið frábær í leiknum, skaut yfir úr víti þegar 25 sekúndur voru eftir og munurinn kominn niður í eitt mark. Fram átti því síðustu sóknina, Ólafur Stef­áns­son skaut þegar tvær sekúndur voru eftir en hitti ekki markið.

Sigur KA-strákanna var mjög verðskuldaður þrátt fyrir að munurinn væri ekki meiri í lokin. Liðsheildin var afar öflug en Einar Rafn og Bruno Bernat voru fremstir meðal jafningja; Bruno, sem spilaði seinni hálfleikinn, var frábær.

Mörk KA: Einar Rafn Eiðsson 12 (2 víti), Einar Birgir Stefánsson 5, Gauti Gunnarsson 5, Patrekur Stefánsson 4, Dagur Gautason 2, Arnór Ísak Haddsson 2, Haraldur Bolli Heimisson 1.

Varin skot: Bruno Bernat 13 (af 26 - 50%), Nicholas Satchwell 8 (22 - 36,4%)

Smellið hér til að sjá alla tölfræðina

Klárum að brúa bilið

Sunna Hlín Jóhannesdóttir skrifar
08. febrúar 2023 | kl. 15:45

Tónatröð magnað tækifæri fyrir Akureyri!

Þórhallur Jónsson skrifar
06. febrúar 2023 | kl. 19:30

Tónatröð – enn ein lotan

Jón Ingi Cæsarsson skrifar
06. febrúar 2023 | kl. 06:00

Hið stórfurðulega Tónatraðarmál

Hilda Jana Gísladóttir skrifar
05. febrúar 2023 | kl. 14:35

Græn skref SSNE

Kristín Helga Schiöth skrifar
04. febrúar 2023 | kl. 18:00

Rosalega erum við rík og æðisleg

Stefán Þór Sæmundsson skrifar
02. febrúar 2023 | kl. 09:45