Fara í efni
Umræðan

Hvernig byggð vilt þú á tjaldsvæðisreitnum?

Akureyrarbær hefur auglýst kynningarfund sem verður á fimmtudaginn, um tjaldsvæðisreitinn við Þórunnarstræti þar sem stefnt er að því að verði blönduð íbúðabyggð með nýrri heilsugæslustöð og annarri þjónustu.

Akureyringar hafa mjög mikinn áhuga á skipulagsmálum ef dæma má viðbrögð við fréttum Akureyri.net um málaflokkinn. Því er full ástæða til að vekja athygli á fundinum. Hann verður í Íþróttahöllinni og hefst klukkan 17.00. Gengið inn um aðalinngang að sunnanverðu. Allir eru velkomnir á fundinn.

Á fundinum kynna skipulagshönnuðir fyrirhugaða skipulagsvinnu og í kjölfarið verður boðið upp á hugmyndavinnu í umræðuhópum.

Í skipulagslýsingu segir m.a.: „Viðfangsefni skipulagsvinnunnar er m.a. að skilgreina uppbyggingu blandaðrar byggðar á svæðinu, almenningsrýma og dvalarsvæða. Skilgreind verða markmið um gæði byggðar, fyrirkomulag gatnakerfis og bílastæða, legu göngu- og hjólastíga, tengingar við nærliggjandi þjónustu, útivistar- og dvalarsvæði ásamt öðrum þeim ákvæðum og skilmálum sem ástæða þykir til.“

Með gerð skipulagsins á að leggja grunn að hagkvæmri nýtingu lands, blöndun byggðar, vistlegum dvalarsvæðum og almenningsrýmum, góðum tengslum við nærliggjandi umhverfi og þar með umhverfi sem styður við virkan lífsstíl, eins og það er orðað. „Skipulaginu er ætlað að stuðla að sjálfbæru og umhverfisvænu skipulagi með heildstæðu yfirbragði í sátt við umhverfi og samfélag."

Áskorun vegna breytinga á geðþjónustu

Stjórn Geðverndarfélags Akureyrar skrifar
10. júlí 2024 | kl. 18:08

Nýja viðbyggingin við SAk

Hjörleifur Hallgríms Herbertsson skrifar
10. júlí 2024 | kl. 17:45

KS og Kjarnafæði Norðlenska

Gísli Sigurgeirsson skrifar
09. júlí 2024 | kl. 14:05

Ályktun Geðhjálpar vegna breytinga á þjónustu

Stjórn Geðhjálpar skrifar
06. júlí 2024 | kl. 06:00

Yfirlýsing varðandi breytingar á leikskólagjöldum

Anna Júlíusdóttir skrifar
05. júlí 2024 | kl. 11:45

Opið bréf til forseta Íslands

Ólafur Þór Ævarsson skrifar
04. júlí 2024 | kl. 11:00